30 May 2020

News Flash

#CAA: इतिहासकार रामचंद्र गुहा यांना पोलिसांनी घेतलं ताब्यात, नागरिकत्व कायद्याविरोधात करत होते आंदोलन

सुधारित नागरिकत्व विधेयकाविरोधात आज देशभरात वेगवेगळ्या ठिकाणी आंदोलन सुरु आहे

सुधारित नागरिकत्व कायद्याविरोधात आज देशभरात वेगवेगळ्या ठिकाणी आंदोलन सुरु आहे. दिल्लीमधील लाल किल्ल्याजवळ १४४ कलम लागू करण्यात आलं आहे. आंदोलन करणाऱ्या अनेकांना पोलिसांनी ताब्यात घेतलं आहे. दुसरीकडे बंगळुरु येथे इतिहासकार आणि लेखक रामचंद्र गुहा यांना पोलिसांनी ताब्यात घेतलं आहे. येथे जवळपास ३० जणांना पोलिसांना ताब्यात घेतलं आहे.

नागरिकत्व कायद्याविरोधात आंदोलकांनी आज शहरात मोर्चा काढण्याचा निर्णय घेतला होता. बंगळुरु पोलिसांनी या आंदोलनासाठी मंजूरी दिली नव्हती. आंदोलक रस्त्यावर उतरणार असल्याने सकाळपासूनच मोठ्या प्रमाणात रस्त्यावर पोलीस तैनात करण्यात आले होते. रामचंद्र गुहादेखील आंदोलकांमध्ये सहभागी झाले होते. यानंतर पोलिसांनी कारवाई करत जवळपास ३० जणांना ताब्यात घेतलं. यावेळी काही आंदोलक आणि पोलिसांमध्ये झटापट झाली. सध्या परिस्थिती नियंत्रणात आहे.

कर्नाटकमधील कलबुर्गी येथे डावे नेते तसंच मुस्लिम संघटनांशी संबंधित नेत्यांनी नागरिकत्व कायद्याला विरोध केला आहे. आंदोलन करणाऱ्या २० जणांना येथे पोलिसांनी ताब्यात घेतलं आहे. दुसरीकडे राजधानी दिल्लीमधील लाल किल्ला परिसरात जमाबवंदी लागू करण्यात आल्यानंतर हजारोंच्या संख्येने आंदोलक रस्त्यावर उतरले होते. पोलिसांनी आंदोलनासाठी परवानगी दिली नव्हती. यामुळे अनेक आंदोलकांना ताब्यात घेण्यात आलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 19, 2019 12:52 pm

Web Title: citizenship act police detained historian ramachandra guha in bangalore sgy 87
Next Stories
1 चेतन भगत यांनी मोदी सरकारवर डागली तोफ; “लाईफ जॅकेट वाटणं ही समस्या नाहीच, तर…”
2 सनाला अशा मुद्द्यांपासून दूर ठेवा, मुलीच्या व्हायरल पोस्टवर गांगुलीची प्रतिक्रिया
3 आधी आपला देश सांभाळा; भारतानं इम्रान खान यांना खडसावलं
Just Now!
X