25 February 2021

News Flash

हिंदू दहशतवादाच्या मुद्द्यामुळे दहशतवाद विरोधी लढा कमकुवत – राजनाथ सिंह

सत्तेत असताना सातत्याने हिंदू दहशतवादाचा मुद्दा उचलून धरण्याच्या काँग्रेसच्या भूमिकेमुळे भारताचा दहशतवाद विरोधी लढा कमकुवत झाल्याची टीका शुक्रवारी भाजपकडून करण्यात आली.

| July 31, 2015 04:50 am

सत्तेत असताना सातत्याने हिंदू दहशतवादाचा मुद्दा उचलून धरण्याच्या काँग्रेसच्या भूमिकेमुळे भारताचा दहशतवाद विरोधी लढा कमकुवत झाल्याची टीका शुक्रवारी भाजपकडून करण्यात आली. काँग्रेसच्या या भूमिकेमुळे त्यावेळी दहशतवादासंदर्भातील अनेक प्रकरणांच्या तपास प्रक्रियेवरही परिणाम झाला. याशिवाय, दहशतवादासारख्या गंभीर समस्येवर भारतीय संसदेत दुफळी माजल्याचे चित्र निर्माण झाल्याचा आरोप केंद्रीय गृहमंत्री राजनाथ सिंह यांनी केला.
सध्याच्या घडीला दहशतवाद ही देशासमोरील गंभीर समस्या आहे. संसद आणि संपूर्ण देशात या मुद्द्यावरून दुही असल्याचे चित्र निर्माण होणे योग्य नाही. एकीकडे आपल्या लष्करातील जवान देशाच्या सीमेवर दहशतवादाविरुद्धच्या लढ्यात शहिद होत असताना दुसरीकडे संसदेत मात्र, केवळ गोंधळ आणि फाटाफूट पहायला मिळते, असे राजनाथ सिंह यांनी म्हटले. दरम्यान, या टीकेनंतर राज्यसभेत विरोधकांनी पुन्हा एकदा गोंधळ घालण्यास सुरूवात केली. मात्र, त्यानंतरही राजनाथ यांनी आक्रमक पवित्रा घेत काँग्रेसवर टीका करणे सुरूच ठेवले.
२०१३ मध्ये काँग्रेसचे गृहमंत्री पी. चिदंबरम यांनी याच सभागृहामध्ये हिंदू दहशतवादाचा मुद्दा उपस्थित केला होता. या सगळ्याचा दहशतवादाशी संबंधित सुरू असलेल्या अनेक प्रकरणांच्या चौकशी प्रक्रियेवर परिणाम झाला होता. त्यामुळे भारताचा दहशतवाद विरोधी लढा कमकुवत झाला. गृहमंत्र्यांच्या या अशा भूमिकेमुळे पाकिस्तानामध्ये हाफीज सईदनेही त्यांचे आभार मानले असतील, अशी खोचक टीकाही राजनाथ सिंह यांनी केली. पण आता आमचे सरकार पुन्हा अशी लाजिरवाणी परिस्थिती निर्माण होऊ देणार नसल्याचे त्यांनी यावेळी ठणकावून सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 31, 2015 4:50 am

Web Title: coining of hindu terror weakened anti terror fight govt
टॅग : Congress
Next Stories
1 मुलाचा मृतदेह असलेली बॅग घेऊन तिने खरेदी केली…
2 ‘बजरंगी भाईजान’ पाहण्यासाठी पाकिस्तानात प्रेक्षकांची गर्दी
3 चीनमध्ये विजेवरील बसचा सार्वजनिक वाहतुकीत वापर
Just Now!
X