19 September 2020

News Flash

इम्रान खान विरुद्ध अभिनेत्री मीरा यांच्यात लढत?

पाकिस्तानात येत्या ११ मे रोजी सार्वत्रिक निवडणुका होत असून लाहोरमधील एका मतदारसंघातील लढत ही आतापासूनच तेथे कुतुहलाचा विषय ठरली आहे. माजी कसोटीवीर आणि सध्याचा राजकीय

| March 31, 2013 04:02 am

पाकिस्तानात येत्या ११ मे रोजी सार्वत्रिक निवडणुका होत असून लाहोरमधील एका मतदारसंघातील लढत ही आतापासूनच तेथे कुतुहलाचा विषय ठरली आहे. माजी कसोटीवीर आणि सध्याचा राजकीय नेता इम्रान खान आणि चित्रपट अभिनेत्री मीरा हे दोन सेलिब्रिटी निवडणुकीत आमनेसामने उभे ठाकण्याची शक्यता आहे.
मीराची आई शफाकत जोहरा यांनी तशी शक्यता व्यक्त केली आहे. मीरा ज्या मतदारसंघातून निवडणूक लढण्यास इच्छुक आहे त्या मतदारसंघात गुलबर्ग, मॉडेल टाऊन, गार्डन टाऊन आणि फैझल टाऊन या उच्चभ्रू वस्तीचा समावेश आहे. पीएमएल-एन पक्षाकडे मीराने उमेदवारीसाठी अर्ज केला आहे.
तहरिक-ए-इन्साफ पक्षाचे इम्रान खान हे प्रमुख असून त्यांनी माजी पंतप्रधान नवाझ शरीफ यांच्या विरोधात निवडणूक लढवावी, अशी कार्यकर्त्यांची इच्छा आहे. मात्र शरीफ यांच्या बालेकिल्ल्यातच त्यांना आव्हान देण्यास इम्रान खान इच्छुक नाहीत, असे सूत्रांचे म्हणणे आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 31, 2013 4:02 am

Web Title: competition between imran khan and actress mira
Next Stories
1 राष्ट्रीय मानवाधिकार आयोगावर शरदचंद्र सिन्हा यांच्या नियुक्तीचा प्रस्ताव सरकारकडून थंड बस्त्यात
2 हुंडय़ासाठी सुनेला छळणाऱ्या ओडिशाच्या माजी मंत्र्याला सपत्निक अटक
3 मराठी जगत: इंदूर महाराष्ट्र साहित्य सभेचा शारदोत्सव उत्साहात साजरा
Just Now!
X