News Flash

निवडणूक आयोगाने आज आपली निष्पक्षता गमावली : शशी थरुर

आचारसंहितेचे उल्लंघन करुनही भाजपला नोटीस का नाही

काँग्रेस नेते शशी शरुर यांनी निवडणूक आयोगावर सडकून टीका केली.

निवडणूक आयोगाचा पक्षपातीपणा आज पूर्णपणे दिसून आला असून त्यांनी आपली सर्व निष्पक्षता गमावली अशा शब्दांत काँग्रेसचे ज्येष्ठ नेते शशी शरुर यांनी निवडणूक आयोगावर आज सडकून टीका केली. भाजपने आदर्श आचारसंहितेचे उल्लंघन करुनही त्यांना कसलीही नोटीस पाठवण्यात आली नाही, यावरुन आयोगाने याकडे स्पष्टपणे दुर्लक्ष केल्याचा आरोप थरुर यांनी केला आहे. ही खूपच आश्चर्यकारक गोष्ट असल्याचेही ते म्हणाले.

पंतप्रधान नरेंद्र मोदींनी मतदानानंतर केलेल्या ‘रोड शो’वर काँग्रेसने जोरदार आक्षेप घेतला आहे. दिल्लीत निवडणूक आयोगाच्या कार्यालयाबाहेर काँग्रेस कार्यकर्त्यांनी निदर्शनेही केली. काँग्रेस नेत्यांनी भाजपला यावरुन निशाणा करीत सडकून टीकाही करण्यात आली.


दरम्यान, मोदींच्या या कृतीतून आचारसंहितेचा कुठलाही भंग झालेला नाही. कारण मोदींनी त्यांच्या पक्षासाठी कुठलेही कॅम्पेन केले नाही. त्याचबरोबर त्यांनी यावेळी एक शब्दही उच्चारला नाही, केवळ मतदानानंतर शाई लावलेले बोट लोकांना दाखवले. यावरुन त्यांनी लोकांना मतदान करण्यासाठी प्रेरीत केले असे म्हणता येईल, असे घटनातज्ज्ञ एस. कश्यप यांनी म्हटले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 14, 2017 5:37 pm

Web Title: concerned about double standard shown by ec today ec has lost all objectivity impartiality says shashi tharoor
Next Stories
1 अखेर ‘त्या’ महिलेला पारसी समाजाच्या ‘टॉवर ऑफ सायलन्स’मध्ये प्रवेश मिळणार
2 कोळसा घोटाळा : मुली लहान असल्याने शिक्षा कमी करण्याची मधू कोडांची याचना
3 ‘पराभवाच्या भितीनेच काँग्रेसचे निवडणूक आयोगावर आरोप’
Just Now!
X