राज्यातील आगामी विधानसभा निवडणुकीसाठी अखिल भारतीय काँग्रेस कमिटीने विभागांच्या प्रभारींची नियुक्ती जाहीर केली आहे. यामध्ये मुकुल वासनिक,अविनाश पांडे, रजनी पाटील,आर.सी. खुंटिया,राजीव सातव यांचा समावेश आहे.

विदर्भ विभागासाठी मुकुल वासनिक, मुंबई विभाग व निवडणुक नियंत्रण कक्षाच्या प्रभारीपदी अविनाश पांडे, पश्चिम व कोकण विभागासाठी रजनी पाटील, उत्तर महाराष्ट्र आर.सी. खुनतिया तर मराठवाडा विभागासाठी राजीव सातव यांची नियुक्ती करण्यात आलेली आहे.

काँग्रेसच्या ५० उमेदवारांची पहिली यादी २० सप्टेंबर रोजी जाहीर होणार असं काँग्रेसचे प्रदेशाध्यक्ष बाळासाहेब थोरात यांनी म्हटलं आहे. काँग्रेस आणि राष्ट्रवादी काँग्रेस यांच्यासह मित्रपक्षांच्या जागावाटपाचा फॉर्म्युला ठरला आहे. काँग्रेस १२५, राष्ट्रवादी १२५ आणि मित्रपक्ष ३८ जागांवर लढणार आहे