काँग्रेसकडे युवकांना अधिकाधिक आकर्षित करण्यासाठी पक्षाने पंतप्रधान नरेंद्र मोदी यांच्या वाराणसी लोकसभा मतदारसंघात तीन दिवसांचे शिबीर भरविण्याचे ठरविले आहे. सारनाथ येथे २८ फेब्रुवारीपासून तीन दिवसांचे शिबीर आयोजित करण्यात येणार असून त्यामध्ये २०० युवकांना पक्षाची घटना, इतिहास आणि राजकारणाचे अन्य पैलू याबाबतचे प्रशिक्षण देण्यात येणार आहे, असे काँग्रेसचे प्रदेशाध्यक्ष निर्मल खत्री यांनी सांगितले.नरेंद्र मोदी यांच्या मतदारसंघात युवकांची उत्साही फळी उभी करणे हा या शिबिराचा हेतू आहे.
