News Flash

नेतृत्त्वाची धुरा राहुल गांधींकडे देण्याची तयारी अंतिम टप्प्यात

कॉंग्रेसचे उपाध्यक्ष राहुल गांधी यांच्याकडे देशातील सर्वोच्च पदाची जबाबदारी सोपविण्याची तयारी कॉंग्रेसने पक्ष पातळीवर सुरू केलीये.

| August 19, 2013 11:15 am

कॉंग्रेसचे उपाध्यक्ष राहुल गांधी यांच्याकडे देशातील सर्वोच्च पदाची जबाबदारी सोपविण्याची तयारी कॉंग्रेसने पक्ष पातळीवर सुरू केलीये. पक्षाचा पंतप्रधानपदाचा उमेदवार कोण, हे अजून स्पष्ट करण्यात आलेले नसले, तरी त्या दिशेने पावले टाकण्यास सुरुवात झालीये.
राहुल गांधी यांना कशा पद्धतीने देशातील सर्वोच्च पदाचे उमेदवार म्हणून घोषित करायचे, यासाठी कॉंग्रेसच्या निवडणूक समन्वय समितीने गेल्या काही दिवसांमध्ये सातत्याने बैठका घेतल्या. राहुल गांधी यांच्या नावाची थेटपणे कोणतीही घोषणा करण्यात येणार नसली, तरी तेच पक्षाचे पंतप्रधानपदाचे उमेदवार असतील, असा संदेश लोकांपर्यत पोहोचविण्यासाठी रणनिती आखण्यात आली आहे. याच रणनितीचा एक भाग म्हणून राहुल गांधी यांच्या देशातील २५ राज्यांच्या राजधान्यांमध्ये जाहीर सभा ठेवण्याचा निर्णय घेण्यात आला आहे. या राजधान्यांमधील सर्वसामान्य नागरिकांशीही ते संवाद साधतील.
राहुल गांधी यांनी जाहीर सभा घेतल्यामुळे सामान्य मतदारांपर्यंत योग्य तो संदेश नक्की जाईल, असे पक्षातील इतर नेत्यांना वाटते. या विषयावर मतदारांमध्ये कोणताही गोंधळ निर्माण होऊ नये, याचीही खबरदारी घेतली जाणार आहे.
देशातील वेगवेगळ्या प्रश्नांवर स्वतःची भूमिका मांडण्यासाठी राहुल गांधी लवकरच दिल्लीमध्ये एक पत्रकार परिषद आयोजित करणार आहेत, अशी माहिती सूत्रांनी दिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 19, 2013 11:15 am

Web Title: congress decides to put rahul gandhi in the front
टॅग : Rahul Gandhi
Next Stories
1 टू जी घोटाळा: साक्ष पुढे ढकलण्यासाठी टिना अंबानी न्यायालयात
2 शस्त्रसंधीचे उल्लंघन: पूंछमध्ये पाकिस्तानकडून गोळीबार सुरूच
3 जीएसएलव्ही डी-५ प्रक्षेपकाचे उड्डाण रद्द
Just Now!
X