News Flash

काँग्रेसने फक्त त्यांच्या नेत्यांचे अस्थिकलश घेऊन देशव्यापी यात्रा काढल्या- अमित शहा

या पक्षाने आजपर्यंत केवळ चार देशव्यापी यात्रा काढल्या.

BJP President Amit Shah: आमच्या पक्षाने अगदी जनसंघाच्या काळापासून गोहत्या बंदी, गोवा मुक्तिसंग्राम, काश्मीर ते कन्याकुमार एकता यात्रा, राम जन्मभूमी आंदोलन, सोमनाथ अशा अनेक मुद्द्यांवर देशव्यापी दौरे केले.

काँग्रेसने केवळ पक्षाच्या सर्वोच्च नेत्यांचे अस्थिकलश फिरवण्यासाठीच देशव्यापी यात्रा काढल्या, अशी सणसणीत टीका भाजपाध्यक्ष अमित शहा यांनी केली. ते शुक्रवारी रांची येथील एका कार्यक्रमात बोलत होते. यावेळी त्यांनी काँग्रेस पक्षावर टीका करताना गांधी घराण्यावर शरसंधान साधले. ब्रिटिशांनी स्थापन केलेल्या या पक्षाने आजपर्यंत केवळ चार देशव्यापी यात्रा काढल्या. त्यापैकी पहिली यात्रा जवाहरलाल नेहरू यांचा अस्थिकलश घेऊन काढण्यात आली. दुसरी यात्रा ही इंदिरा गांधी आणि तिसरी देशव्यापी यात्रा ही राजीव गांधी यांचा अस्थिकलश घेऊन काढण्यात आली. त्यानंतर आता राहुल गांधी कोणताच कलश न घेता यात्रेसाठी निघालेत, असा टोला अमित शहा यांनी लगावला.

याउलट आमच्या पक्षाने अगदी जनसंघाच्या काळापासून गोहत्या बंदी, गोवा मुक्तिसंग्राम, काश्मीर ते कन्याकुमारी एकता यात्रा, राम जन्मभूमी आंदोलन, सोमनाथ अशा अनेक मुद्द्यांवर देशव्यापी दौरे केले. भाजप केवळ निवडणुका जिंकण्याचा विचार करत नाही. तर आम्ही लोकांची विचारपद्धती बदलली आहे, असे अमित शहा यांनी सांगितले.

यापूर्वी राहुल गांधी यांनी अमेरिकेत केलेल्या भाषणावरही अमित शहा यांनी टीक केली होती. ‘अयशस्वी नेते भाषणे देण्यासाठी अमेरिकेला पळतात. कारण मायदेशात त्यांचे कोणीही ऐकून घेत नाही,’ असे म्हणत शहांनी नाव न घेता राहुल यांच्यावर निशाणा साधला होता. याशिवाय, राजकारणातील घराणेशाही बाजूला सारण्यात भाजपचा मोठा वाटा असल्याचेही शहांनी सांगितले होते. राहुल गांधींच्या अमेरिकेतील भाषणात घराणेशाहीचा उल्लेख होता. ‘संपूर्ण देशात घराणेशाही आहे. अखिलेश यादव यांच्यापासून अभिषेक बच्चन यांच्यापर्यंत सगळीकडेच घराणेशाही पाहायला मिळते,’ असे राहुल गांधींनी म्हटले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 16, 2017 8:05 am

Web Title: congress does yatras only with mortal remains of its leaders says amit shah
टॅग : Bjp,Congress
Next Stories
1 स्वाइन फ्लू संसर्गापासून बचावासाठी लसींच्या मागणीत वाढ
2 २३० विद्यार्थ्यांना माध्यान्ह भोजनातून विषबाधा
3 ‘कॅसिनी-हय़ुजेन्स’ अवकाशयानाच्या प्रवासाची सांगता
Just Now!
X