News Flash

येडियुरप्पांच्या शपथविधीविरोधात काँग्रेस-जेडीएसचे धरणे आंदोलन

त्रिशंकू विधानसभा असलेल्या कर्नाटकात बुधवारी रात्री राज्यपाल वजूभाई वाला यांना अखेर भाजपाला सत्तास्थापनेसाठी पाचारण केले. याविरोधात काँग्रेसने सुप्रीम कोर्टात धाव घेतली

काँग्रेस नेते गुलाम नवी आझाद, अशोक गेहलोत, मल्लिकार्जून खरगे आदी नेते या प्रसंगी उपस्थित होते.

कर्नाटकात भाजपाचे नेते येडियुरप्पा यांनी मुख्यमंत्रीपदाची शपथ घेतल्यानंतर काँग्रेस आणि जनता दल सेक्यूलरच्या नेत्यांकडून विधिमंडळाच्या आवारातील महात्मा गांधीजींच्या पुतळ्यासमोर धरणे आंदोलन करण्यात आले.

त्रिशंकू विधानसभा असलेल्या कर्नाटकात बुधवारी रात्री राज्यपाल वजूभाई वाला यांना अखेर भाजपाला सत्तास्थापनेसाठी पाचारण केले. याविरोधात काँग्रेसने सुप्रीम कोर्टात धाव घेतली. मात्र, सुप्रीम कोर्टाने शपथविधी सोहळ्याला स्थगिती देण्यास नकार दिला. गुरुवारी सकाळी नऊच्या सुमारास येडियुरप्पा यांनी मुख्यमंत्रीपदाची शपथ घेतली. ते तिसऱ्यांदा कर्नाटकचे मुख्यमंत्री झाले.

येडियुरप्पांच्या शपथविधी सोहळ्यानंतर काँग्रेस आणि जनता दल सेक्यूलरच्या आमदारांनी विधिमंडळाच्या आवारातील महात्मा गांधीजींच्या पुतळ्यासमोर धरणे आंदोलन केले. काँग्रेस नेते गुलाम नवी आझाद, अशोक गेहलोत, मल्लिकार्जून खरगे आदी नेते या प्रसंगी उपस्थित होते. रिसोर्टवर थांबलेले दोन्ही पक्षांचे आमदारही धरणे आंदोलनात सहभागी होण्यासाठी रवाना झाले.

‘सत्तास्थापनेसंदर्भात सुप्रीम कोर्टात प्रकरण प्रलंबित आहे. आता आम्ही जनतसमोर जाऊन भाजपाने लोकशाहीविरोधी कृत्य कसे केले हे सांगू, असे काँग्रेसचे नेते सिद्धरामैया यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 17, 2018 10:05 am

Web Title: congress jds mlas and leaders protest outside karnataka assembly against bs yeddyurappa
Next Stories
1 Karanataka Assembly Election: येडियुरप्पांनी तिसऱ्यांदा घेतली मुख्यमंत्रीपदाची शपथ
2 अमित शाहनी ३४ दिवसांत केला ५७००० किमी चा प्रवास
3 ..आणि दिल्लीत जाळले मोदींचे प्रतिकात्मक पुतळे
Just Now!
X