काँग्रेसचे ज्येष्ठ नेते अहमद पटेल यांना करोनाची लागण झाली असून प्रकृती बिघडली आहे. अहमद पटेल यांना ऑक्टोबरच्या पहिल्या आठवड्यात करोनाची लागण झाली होती. तेव्हापासून त्यांच्यावर उपचार सुरु आहेत. गुडगावमधील मेदांता रुग्णालयात अहमद पटेल यांना पुढील उपचारासाठी गुडगावमधील मेंदाता रुग्णालयात दाखल करण्यात आलं असून आयसीयूत ठेवण्यात आलं असल्याची माहिती कुटुंबाने दिली आहे. ७१ वर्षीय अहमद पटेल यांनी १ ऑक्टोबर रोजी आपल्याला करोनाची लागण झाली असल्याची माहिती दिली होती. अहमद पटेल यांचा मुलगा फैसल यांनी ट्विट केलं असून दिलेल्या माहितीनुसार, "अहमद पटेल यांना काही आठवड्यांपूर्वी करोनाची लागण झाली होती. सध्या त्यांना पुढील उपचारासाठी गुडगामधील मेदांता रुग्णालयातील आयसीयूत दाखल करण्यात आलं आहे". pic.twitter.com/cWWHZ4Xfho — Faisal Patel (@mfaisalpatel) November 15, 2020 "सध्या त्यांची प्रकृती स्थिर असून त्यांना डॉक्टरांच्या निरीक्षणाखाली ठेवण्यात आलं आहे. ते लवकर बरे व्हावेत यासाठी आपण प्रार्थना करावी अशी आमची विनंती आहे," असंही फैसल यांनी म्हटलं आहे. अहमद पटेल यांच्यासाठी अनेक काँग्रेस नेत्यांनी ट्विट केलं असून लवकरात लवकर बरे होण्यासाठी शुभेच्छा दिल्या आहेत.