07 August 2020

News Flash

लोकनियुक्त सरकार पाडणं हा भाजपाचा अजेंडा; प्रियंका गांधींचं टीकास्त्र

संकटकाळातचं नेतृत्वाची ओळख पटते, प्रियंका गांधींचं वक्तव्य

आमदारांच्या घोडेबाजाराच्या आरोपानंतर राजस्थानात राजकीय संघर्ष उफाळून आला. हा संघर्ष अजूनही थांबलेला नाही. अशोक गेहलोत विरुद्ध सचिन पायलट असा संघर्ष मागील आठवडाभरापासून बघायला मिळत आहे. राज्यातूल सुरू झालेला हा संघर्ष आता न्यायालय आणि राजभवनापर्यंतही पोहोचला आहे. यादरम्यान काँग्रेसच्या महासचिव प्रियंका गांधी यांनी भाजपावर निशाणा साधला आहे.

“संकटाच्या वेळीच नेतृत्वाची ओळख पटते. करोनासारख्या राष्ट्रीय संकटात देशाला जनतेच्या हितासाठी काम करणाऱ्या नेतृत्वाची आवश्यकता आहे. परंतु केंद्रातील भाजपा सरकार जनतेद्वारे निवडून आलेली सरकारं पाडण्याचा आपला हेतू स्पष्ट केला आहे. जनता त्यांना उत्तर देईल,” असं प्रियंका गांधी म्हणाल्या. त्यांनी ट्विटरवरून भाजपावर निशाणा साधला.

संघवी यांनीही साधला निशाणा

राज्यपाल केंद्रात बसलेल्या मास्तरांचाच सूर आवळत आहेत, असा आरोप काँग्रेसचे नेते अभिषेक मनू संघवी यांनी केला आहे. “राज्यपाल अनेक गोष्टींपासून अनभिज्ञ आहेत. तसंच करोना संकटादरम्यान कोणत्या राज्याची विधानसभा सुरू आहे असा सवालही त्यांनी केला होता. देशात अनेक राज्यांच्या विधानसभांचं कामकाज सुरू आहे. यामध्ये पुदुच्चेरी, महाराष्ट्र आणि बिहारचाही समावेश आहे. राज्यपालांनी याबाबत माहिती घ्यायला हवी,” असंही ते म्हणाले.

“राज्यपालांनी प्रश्न विचारले आणि ते सक्रिय आहेत हे चांगलंच आहे. परंतु आमदारांची उपस्थिती आणि त्यांच्या कामकाजाशी निगडीत प्रश्न हे त्यांच्या अधिकारक्षेत्राखाली येत नाहीत. हे प्रकरण संपूर्णत: विधानसभा अध्यक्ष किंवा संचिवालयाअंतर्गत येतं,” असंही त्यांनी नमूद केलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 26, 2020 9:24 pm

Web Title: congress leader priyanka gandhi criticize bjp modi government trying unstable elected governments rajasthan jud 87
Next Stories
1 Coronavirus : महाराष्ट्रासह दोन राज्यांमध्ये ICMR ची अत्याधुनिक चाचणी केंद्र; पंतप्रधान मोदी करणार उद्घाटन
2 अनलॉक ३.० मध्ये मनोरंजनांची द्वारं होणार खुली!; केंद्रीय गृह मंत्रालयाकडे शिफारस
3 Rajasthan Political Crisis : राज्यपाल केवळ केंद्रात बसलेल्या मास्तरांचं ऐकतात; काँग्रेसचा आरोप
Just Now!
X