05 July 2020

News Flash

पाच संसदीय समित्यांचे अध्यक्षपद काँग्रेसकडे

परराष्ट्र व्यवहार, गृह आणि वित्त यांसारख्या महत्त्वाच्या खात्यांसाठी गठित करण्यात आलेल्या संसदीय समित्यांचे अध्यक्षपद काँग्रेस पक्षाकडे देण्यात आले आहे.

| September 3, 2014 12:47 pm

परराष्ट्र व्यवहार, गृह आणि वित्त यांसारख्या महत्त्वाच्या खात्यांसाठी गठित करण्यात आलेल्या संसदीय समित्यांचे अध्यक्षपद काँग्रेस पक्षाकडे देण्यात आले आहे. वीरप्पा मोईली, शशी थरूर आणि पी. भट्टाचार्य आदी ज्येष्ठ  काँग्रेस नेत्यांची अध्यक्षपदी वर्णी लागली असून, एकूण पाच संसदीय समित्यांचे अध्यक्षपद काँग्रेस पक्षाकडे सोपविण्यात आले आहे.
विरोधी पक्षनेतेपदही गमविण्याची नामुष्की काँग्रेस पक्षावर ओढवली आहे. मात्र अत्यंत प्रतिष्ठेच्या लोक लेखा समितीचे अध्यक्षपद ज्येष्ठ काँग्रेस नेते के. व्ही. थॉमस यांच्याकडे सोपविण्यात आले, तर वित्तविषयक संसदीय समितीचे अध्यक्षपद वीरप्पा मोईली यांच्याकडे, परराष्ट्र  व्यवहारविषयक समितीचे अध्यक्षपद शशी थरूर यांच्याकडे सोपविण्यात आले. गृहमंत्रालयातील बाबींशी निगडित समितीचे अध्यक्षपद पी. भट्टाचार्य यांना देण्यात आले.  गतवेळी मनुष्यबळ विकास आणि क्रीडाविषयक समित्यांमध्ये असलेल्या सोनिया गांधी यांना यंदा कोणत्याही समितीत स्थान मिळालेले नाही. काँग्रेसचे उपाध्यक्ष राहुल गांधी यांना मात्र परराष्ट्र व्यवहारविषयक समितीचे सदस्यत्व देण्यात आले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 3, 2014 12:47 pm

Web Title: congress members to head 5 parliamentary standing committees
Next Stories
1 संक्षिप्त : अरुण जेटली यांच्यावर शस्त्रक्रिया
2 या शतकात तरी गंगा शुद्ध होईल का? – सर्वोच्च न्यायालयाचा केंद्राला सवाल
3 स्वामी नित्यानंदांना पौरुषत्व चाचणी करावी लागणार; सर्वोच्च न्यायालयाने याचिका फेटाळली
Just Now!
X