पोलीस कर्मचाऱ्याला मारहाण केल्याप्रकरणी कर्नाटकमधील काँग्रेस आमदार नसीर अहमद यांच्या मुलाला अटक करण्यात आली आहे. फैयाज असं नसीर अहमद यांच्या मुलाचं नाव आहे. फैयाजने रविवारी रात्री कर्तव्यावर असणाऱ्या बंगळुरु पोलिसांवर प्राणघातक हल्ला केला. पोलिसांनी याप्रकरणी फैयाजसोबत अजून दोघांना अटक केली आहे. पोलीस कर्मचाऱ्यांशी वाद घातला तेव्हा फैयाज दारुच्या नशेत होता असा आरोप आहे. याशिवाय त्याने हेड कॉन्स्टेबलवर प्राणघातक हल्लादेखली केला. रात्री १२.३० वाजण्याच्या सुमारास बंगळुरुमधील अमृथल्ली पोलीस स्टेशनजवळ हा सगळा प्रकार घडला. "उड्डाणपूलाजवळ पोलिसांवर हल्ला केल्याप्रकरणी तिघांना अटक करण्यात आली आहे," अशी माहिती बंगळुरु (उत्तर पूर्व) डीसीपी सी के बाबा यांनी दिली आहे.
