डॉलरच्या तुलनेत रुपयाची किंमत आतापर्यंतच्या सर्वांत खालच्या स्तरावर गेली आहे. त्या पार्श्वभूमीवर काँग्रेस अध्यक्ष राहुल गांधी यांनी पुन्हा एकदा पंतप्रधान नरेंद्र मोदींवर हल्लाबोल केला आहे. महागाईमुळे जनतेत हाहाकार पण ५६ इंच छातीवाले गप्प का, असा सवाल त्यांनी उपस्थित केला आहे.

गांधी यांनी यासंबंधी ट्विट शेअर केला आहे. ते म्हणतात, रुपया गया 73 पार, महँगाई मचाए हाहाकार। तेल-गैस में लगी है आग, बाजार में मची भागम-भाग। वो 56 इंच के सीने वाले का कब तक चलेगा ‘साइलेंट मोड’, कहां है ‘अच्छे दिन का कोड?

बुधवारी शेअर बाजार सुरु होताच एका डॉलरची किंमत ७३ रुपये ३४ पैसे इतकी झाली. मागील सत्रात डॉलरच्या तुलनेत रुपया ४३ घसरुन ७२.९१ च्या स्तरावर बंद झाला होता.