29 February 2020

News Flash

काँग्रेसने पाठवलं पार्सल, मोदींना द्यावे लागणार पैसे

काँग्रेसनं ट्विट करत दिली माहिती

(PTI)

७१ व्या प्रजास्ताक दिनाचे औचित्य आणि नागरिकत्व दुरुस्ती कायद्यावरून देशभरात सुरु असलेल्या विरोधाच्या पार्श्वभूमीवर काँग्रेस पक्षानं पंतप्रधान नरेंद्र मोदी यांना सविंधानाची प्रत भेट म्हणून पाठवली आहे. नवी दिल्लीतील केंद्रीय सचिवालयाच्या पत्त्यावर अ‍ॅमेझॉनवरून संविधानाची प्रत काँग्रेसने भेट म्हणून पाठवली आहे. या प्रतची किंमत १७० रूपये असून पे ऑन डिलिव्हरीच्या माध्यमातून पाठवल्यामुळे पंतप्रधान नरेंद्र मोदींना ही रक्कम भरावी लागणार आहे.

काँग्रेस पक्षाच्या अधिकृत ट्विटरवर याबाबत ट्विट करत माहिती देण्यात आली आहे. संविधानाची प्रत पाठवत काँग्रेसने मोदींवर टीका केली आहे. ट्विटमध्ये काँग्रेसनं म्हटलेय की, ‘प्रिय पंतप्रधान नरेंद्र मोदीजी, तुम्हाला भारतीय संविधानाची एक प्रत पाठवली असून लवकरच तुम्हाला मिळेल. देशात फूट पाडण्याच्या कामातून तुम्हाला वेळ मिळाला तर नक्की वाचा.’ काँग्रेसनं आपल्या ट्विटरवर मोदींना संविधानाची प्रत पाठवल्याचा अॅमेझॉनवरील स्नॅपशॉट पोस्ट केला आहे.

काँग्रेसने आणखी एका ट्विटमध्ये भाजपावर टीका केली आहे. यामध्ये म्हटलेय की, संविधानाच्या अनुच्छेद १४ नुसार देशातील नागरिकांना समानतेचा अधिकार आहे. हे भाजपाला अद्याप समजेलं नाही.

काँग्रेसने एकापाठोपाठ चार ट्विट केले आहे. याट्विटमध्ये संविधानाच्या अनुच्छेद १५, १९नुसार भाजपावर हल्लाबोल केला आहे.

काँग्रेसच्या या टीकेला भाजपा आता काय प्रत्युत्तर देणार याकडे नेटकऱ्यांचं लक्ष लागले आहे.

First Published on January 27, 2020 8:30 am

Web Title: congress sends pm copy of constitution tweets amazon receipt nck 90
Next Stories
1 इराकमधील अमेरिकी दुतावासाजवळ रॉकेट हल्ला; इराणवर संशय
2 देशाला सरकारवर लक्ष ठेवणाऱ्या सक्षम विरोधी पक्षाची गरज -अभिजीत बॅनर्जी
3 Mann ki Baat : हिंसेने कोणताही प्रश्न सुटत नाही -पंतप्रधान मोदी
X
Just Now!
X