29 September 2020

News Flash

पंतप्रधान मोदींची भाषणे म्हणजे फेकाफेकी-काँग्रेस

खोटं बोला पण रेटून बोला ही पंतप्रधान नरेंद्र मोदींची भाषण करण्याची रित आहे अशीही टीका काँग्रेसने केली आहे

पंतप्रधान नरेंद्र मोदींवर शरसंधान करण्याची एकही संधी काँग्रेस सोडताना दिसत नाही. पंतप्रधान नरेंद्र मोदींची भाषणं म्हणजे फेकाफेकी असते त्यांच्याकडे चांगलं भाषण करण्याची कला आहे. मात्र त्यात असत्य आणि थापा मारणं हे ठासून भरलेलं असतं. अशी भाषणं करणं तुम्हालाही जमेल जर तुम्ही हा व्हिडीओ पाहिला असं म्हणत काँग्रेसने पंतप्रधान नरेंद्र मोदींच्या भाषणांवर टीका केली आहे. पंतप्रधान नरेंद्र मोदी मंचावर आले की आपले अन्नदाता अनिल अंबानी यांचे स्मरण करतात. त्यानंतर मंचावर उपस्थित कालियाचे म्हणजेच अमित शाह यांचे आभार माना. त्यानंतर तुमच्या भाषणांमध्ये जमतील तेवढ्या थापा मारा. भाजपाशासित राज्यात तुम्ही मुख्यमंत्री असाल तर तुमच्या भाषणात किमान ५ ते १० वेळा खोटं बोलणं आवश्यक आहे.

तुम्ही जर केंद्रीय मंत्री किंवा केंद्रीय स्तरावरचे नेते असाल तर मात्र तुमच्या भाषणात किती खोटं असावं याला काहीही प्रमाण नाही. तुम्ही कितीही फेकाफेकी करू शकता असेही या व्हिडीओत काँग्रेसने म्हटले आहे. राफेल करार करून एका रात्रीत पंतप्रधान नरेंद्र मोदींनी ३० हजार कोटींचा घोटाळा केला अशी टीकाही काँग्रेसने केली आहे. तुम्हाला चांगलं भाषण करायचं असेल तर तुम्ही हा व्हिडिओ बघा मग उच्च स्तरावरचं खोटं कसं बोलायचं याचं प्रशिक्षण तुम्हाला मिळेल असाही टोला या भाषणात लगावण्यात आला आहे.

खोटं बोला आणि रेटून बोला, तुमच्यासमोर जी जनता बसली आहे तिला खुशाल मूर्ख समजा त्यामुळे तुमचा आत्मविश्वास वाढतो. पंतप्रधान नरेंद्र मोदी यांची भाषण करण्याची शैली अगदी अशीच आहे असंही काँग्रेसने ट्विट केलेल्या व्हिडिओत म्हटलं आहे. भाषण करताना सुरूवात हळू आवाजात करा, मंद स्वरात करा मात्र त्यानंतर आता ज्याप्रमाणे इंधनाचे दर वाढत आहेत त्याच वेगाने तुमचा आवाज चढता ठेवा त्यामुळे तुमच्या बोलण्यात जोर येईल तुम्ही जास्त चांगल्या प्रकारे फेकाफेकी करू शकाल असेही काँग्रेसने म्हटलं आहे. भाजपाच्या नेत्यांना हा व्हिडीओ चांगलाच झोंबला तर आश्चर्य वाटायला नको.

 

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 28, 2018 12:29 pm

Web Title: congress tweets video against pm narendra modis speeches
Next Stories
1 अमेरिकेच्या निर्बंधानंतरही भारत आमच्याकडून इंधन खरेदी करणार: इराण
2 पाकिस्तानच्या परराष्ट्र मंत्र्यांचे भाषण न ऐकताच निघून गेल्या सुषमा स्वराज
3 Elgar Parishad Probe: सर्वोच्च न्यायालयाकडून पुणे पोलिसांच्या कारवाईचं समर्थन, हस्तक्षेप करण्यास नकार
Just Now!
X