News Flash

राहुल गांधींकडे कॉंग्रेसचे नेतृत्त्व देण्याबद्दल निर्णय नाहीच

लोकसभा आणि विविध राज्यांच्या विधानसभा निवडणुकीत सपाटून मार खाल्ल्यानंतर कॉंग्रेस कार्यकारिणीची महत्त्वाची बैठक मंगळवारी नवी दिल्लीमध्ये पार पडली.

| January 13, 2015 01:31 am

लोकसभा आणि विविध राज्यांच्या विधानसभा निवडणुकीत सपाटून मार खाल्ल्यानंतर कॉंग्रेस कार्यकारिणीची महत्त्वाची बैठक मंगळवारी नवी दिल्लीमध्ये पार पडली. मात्र, या बैठकीमध्ये राहुल गांधी यांच्याकडे पक्षाचे अध्यक्षपद देण्याबद्दल कोणताही निर्णय घेण्यात आलेला नाही. बैठकीमध्ये याबाबत कोणतीही चर्चा झाली नाही, असे पक्षाचे नेते आर. के. धवन यांनी सांगितले. सूत्रांकडून मिळालेल्या माहितीनुसार, कार्यकारिणीतील अनेक ज्येष्ठ सदस्यांनी पक्षाची धुरा राहुल गांधी यांच्याकडे देण्याची मागणी केली होती. पण कार्यकारिणीच्या बैठकीत याबाबत कोणताही निर्णय घेण्यात आला नाही.
बैठकीसाठी पक्षाच्या अध्यक्ष सोनिया गांधी, माजी पंतप्रधान डॉ. मनमोहनसिंग, राहुल गांधी यांच्यासह विविध राज्यातील ज्येष्ठ नेते उपस्थित होते. या बैठकीमध्ये राहुल गांधी यांना पक्षाध्यक्ष करण्याबद्दलचा निर्णय घेतला जाण्याची शक्यता वर्तविण्यात येत होती. पक्षाचे सरचिटणीस जनार्दन द्विवेदी, दिग्विजय सिंह आणि राजस्थानचे माजी मुख्यमंत्री अशोक गहलोत यांनी थेटपणे बैठकीपूर्वी राहुल गांधी यांना पक्षाचा अध्यक्ष करण्याची मागणी केली होती. राहुल गांधी यांच्याकडेच पक्षाची संपूर्ण जबाबदारी सोपविण्यात यावी, अशी मागणी बैठकीला जाण्यापू्र्वी दिग्विजयसिंह यांनी पत्रकारांशी बोलताना केली होती. राहुल गांधी सध्या पक्षाचे उपाध्यक्ष आहेत. त्यांच्याकडे कॉंग्रेस महासमितीची संपूर्ण जबाबदारी देण्यात यावी, असेही ते म्हणाले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 13, 2015 1:31 am

Web Title: congress working committee meeting in new delhi
टॅग : Congress
Next Stories
1 दिल्लीत ७ फेब्रुवारीला मतदान
2 रणजित सिन्हा यांच्यावरील आरोपांची चौकशी
3 भेदरलेल्या विद्यार्थ्यांचा पेशावरमधील लष्कराच्या शाळेत पुन्हा किलबिलाट
Just Now!
X