24 November 2020

News Flash

कुणाल कामराचं आणखी एक ट्विट वादात; अवमानना खटला चालवण्यास परवानगी

सरन्यायधीशांवर केली होती टीका

संग्रहित छायाचित्र

न्यायालयाचा अवमान केल्याप्रकरणी याचिका दाखल झालेली असताना स्टॅडअप कॉमेडियन कुणाल कामराचं आणखी एक ट्विट वादात सापडलं आहे. कुणाल कामराने सरन्यायधीशांविषयी ट्विट केलं होतं. या प्रकरणी अवमान खटला चालविण्याची मागणी करण्यात आली होती. त्याला अॅटर्नी जनरल वेणुगोपाल यांनी परवानगी दिली आहे.

स्टॅडअप कॉमेडियन कुणाल कामराने काही दिवसांपूर्वी सर्वोच्च न्यायालयाविषयी टिप्पणी करणार ट्विट केलं होतं. या ट्विटवर आक्षेप घेत कामराविरोधात सर्वोच्च न्यायालयात अवमान याचिका दाखल करण्यात आली आहे. हे प्रकरण चर्चेत असतानाच कामराने आणखी हातांच्या बोटांचा फोटो शेअर करत सरन्यायाधीशांविषयी अपमानास्पद ट्विट केलं होतं.

कामराच्या या ट्विटविरोधात अवमानना याचिका दाखल करण्यासाठी अॅटर्नी जनरल के.के. वेणुगोपाल यांच्याकडे संमती मागण्यात आली होती. वेणुगोपाल यांनी कामराविरोधात अवमानना याचिका दाखल करण्यास परवानगी दिली आहे. त्यामुळे कामराच्या अडचणी वाढण्याची शक्यता आहे.

रिपब्लिक वृत्तवाहिनीचे मुख्य संपादक अर्णब गोस्वामी यांना सर्वोच्च न्यायालयाने जामीन दिल्यानंतर कुणाल कामराने न्यायमूर्ती डी.वाय. चंद्रचूड यांच्यावर टीका करणार ट्विट केलं होतं. अर्णब गोस्वामीच्या जामीनाला विरोध करत कामराने सर्वोच्च न्यायालयावर टीका केली होती. याप्रकरणीही कुणाल कामरावर अवमानना खटला दाखल करण्यात आला आहे.

ट्विट हटवणार नाही, माफीही मागणार नाही

पहिल्या ट्विट प्रकरणी अवमानना खटला दाखल झाल्यानंतर कामराने भूमिका मांडली होती. “मी केलेलं ट्विट हटवणार नाही वा त्यासाठी माफीही मागणार नाही. मला वाटतं की, मी आपल्यासाठीच बोलतो आहे. कोणताही वकील ठेवणार नाही. माफीही मागणार नाही. दंडही भरणार नाही. वेळेचा अपव्यय करणार नाही,” असं कामराने यापूर्वी दाखल करण्यात आलेल्या अवमानना खटल्यावर म्हटलं होतं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 21, 2020 9:04 am

Web Title: contempt of court kunal kamra another tweet attorney general bmh 90
Next Stories
1 पाकिस्तानात सापडलं भगवान विष्णूचं १३०० वर्षांपूर्वीचं मंदिर
2 कपिल सिब्बल म्हणाले,”मी गांधी कुटुंबीयांच्या विरोधात नाही, केवळ काँग्रेसच्या कार्यकर्त्यांचा…”
3 “जम्मू काश्मीरमध्ये विरोध करण्याची परवानगी नाही, संविधानासाठी लढत राहणार”
Just Now!
X