26 September 2020

News Flash

Coronavirus: सोशल डिस्टन्सिंग हा वाचण्याचा एकमेव मार्ग – पंतप्रधान मोदी

मोठ्या उपाययोजनांनंतरही अनेक देशांमध्ये या समोरील आव्हानं वाढतंच आहेत.

पंतप्रधान नरेंद्र मोदी आज म्हणजेच १२ मे रोजी रात्री ८ वाजता देशाला संबोधित करणार आहेत. करोनाच्या पार्श्वभूमीवर मोदी देशातील नागरिकांशी संवाद साधणार आहेत. मात्र मोदी पुन्हा एकदा आठ वाजता बोलणार म्हटल्यावर सोशल मिडियावर जोरदार चर्चा सुरु आहे. पंतप्रधान मोदींनी याआधीही अनेकदा रात्री आठच्या भाषणांमध्ये अनेक ऐतिहासिक निर्णय जाहीर केले आहेत. त्यामुळेच आजही मोदी काही मोठी घोषणा करणार का याकडे साऱ्या देशाचे लक्ष लागून राहिलं आहे. मात्र मोदी आठ वाजताच का घोषणा करतात किंवा आठ आकडा हा मोदींचा प्रिय आकडा आहे का यासंदर्भात इंटरनेटवर अनेकदा लोकं सर्च करताना दिसतात. याबद्दलच आपण या फोटोगॅलरीमधून प्रकाश टाकणार आहोत.

करोना विषाणू जगभरात इतक्या वेगानं पसरतो आहे की, मोठ्या उपाययोजनांनंतरही अनेक देशांमध्ये या समोरील आव्हानं वाढतंच आहेत. या सर्व देशांच्या दोन महिन्यांच्या अभ्यासातून हा निष्कर्ष निघत आहे की, या वैश्विक महामारीत एकचा पर्याय आहे तो म्हणजे सोशल डिस्टंसिंग, असे कळकळीचे आवाहन पंतप्रधान नरेंद्र मोदी यांनी भारतीयांना केले आहे.

मोदी म्हणाले, करोना या वैश्विक महामारीबाबत आपण सर्व माध्यमातून ऐकत आहात. जगातील सक्षम देशांनाही या महामारीनं हतबल केलं आहे. अस नाही की हे देश पुरेसे प्रयत्न करीत आहेत की त्यांच्याकडे स्त्रोतांची कमी आहे. मात्र, करोना इतक्या वेगानं पसरतो आहे की मोठ्या तयारीनंतरही या देशांसमोर आव्हान वाढतच आहे. या सर्व देशांच्या दोन महिन्यांच्या अभ्यासातून हा निष्कर्ष निघत आहे की, या वैश्विक महामारीत एकचा पर्याय आहे तो म्हणजे सोशल डिस्टंसिंग. सोशल डिस्टंसिंग हे छोट्याशा गावापासून सर्वांनीच अंगिकारायचं आहे.

या संकटापासून वाचायचं असेल तर याची साखळी तोडायला हवी. काही लोकांना असं वाटतंय की हे केवळ आजारी लोकांसाठीच गरजेचं आहे. मात्र, हे सर्व नागरिकांना, प्रत्येक कुटुंबाला त्यातील प्रत्येक सदस्यासाठी इतकेच नव्हे पंतप्रधानासाठी देखील आवश्यक आहे. काही लोकांच्या चुकीच्या विचारामुळे आपल्या संपूर्ण कुटुंबासाठी याचा मोठा धोका आहे. जर असाच बेजबाबदारपणा सुरु राहिला तर तर भारताला याची मोठी किंमत चुकवावी लागू शकते. याचा अंदाजही लावणे कठीण होईल, अशा शब्दांत मोदींनी जनतेला कळकळीचे आवाहन केले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 24, 2020 8:21 pm

Web Title: corona virus the only way to rescue social distance says pm modi aau 85
टॅग Coronavirus
Next Stories
1 अवघ्या देशात २१ दिवसांसाठी लॉकडाउन; पंतप्रधान नरेंद्र मोदींची मोठी घोषणा
2 CoronaVirus : डॉक्टरांना वापरावा लागतोय ‘गारबेज बॅग’चा गाऊन
3 Coronavirus: खरी मर्दानी! २६३ भारतीय विद्यार्थ्यांना इटलीतून मायदेशी सुखरुप परत घेऊन आली
Just Now!
X