करोना विषाणूमुळे संपूर्ण जगामध्ये खळबळ उडाली आहे. जगातील अनेक देशांमध्ये लसीकरणाची प्रक्रिया सुरू झाली आहे. दरम्यान, ब्राझीलच्या संशोधकांना एका विशिष्ट प्रकारच्या सापाचे विष कोरोना विषाणू नष्ट करू शकते असे आढळले आहे. याची माकडांवर चाचणी करण्यात आली. या विषामध्ये असलेले रेणू माकडांच्या पेशींमध्ये करोना विषाणूच्या वाढीस लक्षणीयरीत्या रोखतात. मानवांवरही याची चाचणी होऊ शकते, अशी आशा संशोधकांनी व्यक्त केली आहे. रॉयटरच्या एका वृत्तानुसार वैज्ञानिक जर्नल मॉलिक्यूल्समध्ये या महिन्यात प्रकाशित झालेल्या अभ्यासात असे आढळून आले आहे की जराराकुसु पिट वाइपर सापाने तयार केलेल्या रेणूने माकडांच्या पेशींमध्ये करोना विषाणूची क्षमता ७५ टक्के रोखली आहे. सापाच्या विषाचा हा भाग विषाणूच्या विशिष्ट प्रथिनांना रोखू शकतो हे आम्ही दाखवू शकलो, असे साऊ पाउलो विद्यापीठाचे प्राध्यापक राफेल गुइदो म्हणाले. या अहवालात असेही नमूद केले आहे की भविष्यात संशोधक विषाच्या रेणूच्या वेगवेगळ्या प्रमाणात त्याची प्रभावीता तपासतील आणि पहिल्या टप्प्यात विषाणूला पेशीमध्ये प्रवेश करण्यापासून रोखण्यास सक्षम आहेत की नाही हे पाहतील. या संशोधनात सहभागी असलेल्या साऊ पाउलो स्टेट युनिव्हर्सिटीने ही माहिती दिली आहे. मात्र, यासंदर्भात वेळ देण्यात आलेला नाही. त्यांनी पुढे स्पष्ट केले की ही अमीनो अ‍ॅसिडची साखळी आहे. इतर पेशींना इजा न करता विषाणूच्या वाढीमध्ये ही महत्वाची भूमिका बजावते. त्याच वेळी, तज्ञांनी यामुळे सापांची शिकार करणे आणि पकडणे अनावश्यक म्हटले आहे. जराराकुसु साप ब्राझीलमधील सर्वात लांब सापांपैकी एक आहे. त्याची लांबी सुमारे ६ फूट आहे. हे साप अटलांटिक किनाऱ्यावरील जंगलांमध्ये राहतात आणि ते बोलिव्हिया, पॅराग्वे आणि अर्जेंटिनामध्ये देखील आढळतात. सध्या, या दाव्यानंतर, करोना विषाणूला मुळापासून दूर करण्याच्या उपायांवर पुन्हा एकदा चर्चा सुरू झाली आहे.
