News Flash

Coronavirus: पत्नीच्या मृत्यूनंतर काही तासातच पतीने सोडले प्राण

करोना व्हायरसमुळे पत्नीचा मृत्यू झाल्यानंतर काही तासातच पतीचा मृत्यू झाल्याची ह्रदयद्रावक घटना समोर आली आहे

करोना व्हायरसमुळे पत्नीचा मृत्यू झाल्यानंतर काही तासातच पतीचा मृत्यू झाल्याची ह्रदयद्रावक घटना समोर आली आहे. अमेरिकेत ही घटना घडली आहे. शनिवारी ८६ वर्षीय फेलिक्स यांचा ग्लेनब्रुक रुग्णालयात मृत्यू झाला. याच रुग्णालयात दीड तासापूर्वीच त्यांची पत्नी लुईजा यांचा मृत्यू झाला होता. दोघांनाही करोना व्हायरसची लागण झाली होती. दोघे करोना विषाणूंच्या संपर्कात कसे आले याची कुटुंबाला काहीच कल्पना नाही असं त्यांचा जावई एड ग्रीनवॉल्ड याने सांगितलं आहे. ते खूप सुंदर दांपत्य होतं. खूप चांगले आजी-आजोबा होते. कुटुंबाचा एक महत्त्वाचा भाग होते असं सांगताना ग्रीनवॉल्ड भावूक झाले.

फेलिक्स आणि लुईजा दोघेही २० वर्षांपूर्वी युक्रेनमधून अमेरिकेत स्थायिक झाले होते. अमेरिकेत स्थायिक होण्यापूर्वी फेलिक्स एका कन्स्ट्रक्शन कंपनीत सप्लाय मॅनेजर म्हणून काम करत होते. तर लुईजा डॉक्टर होत्या. फेलिक्स यांच्याबद्दल बोलताना नातेवाईकांनी त्यांच्यासाठी कुटुंबच सगळं होतं असं म्हटलं आहे. त्यांना बागेत काम करायला आवडत होतं. ते नेहमी शेजाऱ्यांसोबत याबद्दल गप्पा मारत असत असंही त्यांनी सांगितलं आहे.

फेलिक्स आणि लुईजा नेहमी आपलं इंग्लिश सुधारण्याचा आणि अमेरिकेतील जीवनशैली आत्मसात करायचा प्रयत्न करायचे. त्यांच्या जाण्याने नातेवाईक आणि कुटुंबावर डोंगर कोसळला आहे. फेलिक्स आणि लुईजा यांच्यामागे दोन मुली आणि चार नातवंडं असा परिवार आहे.

अमेरिकेत आतापर्यंत करोनाचे एकूण १ लाख ८३ हजार ५३२ रुग्ण सापडले असून ३७२७ जणांचा मृत्यू झाला आहे. तर जगात आतापर्यंत ४१ हजार ३४३ जणांचा मृत्यू झाला आहे. मृतांच्या आकडेवारीत अमेरिका चीन आणि इटलीच्याही पुढे गेलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 1, 2020 10:38 am

Web Title: coronavirus husband and wife die in same hospital sgy 87
टॅग : Coronavirus
Next Stories
1 Coronavirus: असाही परिणाम… WhatsApp नाही, TikTok नाही तर हे ठरलं नंबर वन अ‍ॅप
2 Coronavirus : निझामुद्दीन येथील कार्यक्रमातून बडोद्यात परतलेले पाच जण होम क्वारंटाइन
3 CoronaVirus : रशियाचे राष्ट्राध्यक्ष पुतीन यांना भेटलेल्या डॉक्टरला करोनाची लागण
Just Now!
X