09 August 2020

News Flash

करोना, जीएसटी आणि नोटबंदी; हॉवर्डमध्ये अपयशाची केस स्टडी म्हणून शिकवलं जाईल- राहुल गांधी

राहुल गांधींचा मोदी सरकारवर निशाणा

संग्रहित फोटो (PTI)

भारतात करोनाची परिस्थिती अद्यापही नियंत्रणात आलेली नसून रुग्णसंख्येत रोज वाढ होताना दिसत आहे. भारत सध्या करोनाबाधित देशांच्या यादीत तिसऱ्या स्थानावर आहे. काँग्रेस नेते राहुल गांधी यांनी करोनाच्या स्थितीवरुन पुन्हा एकदा पंतप्रधान नरेंद्र मोदींवर निशाणा साधला आहे. राहुल गांधी यांनी नरेंद्र मोदींचा एक व्हिडीओ शेअर केला आहे. भविष्यात हॉवर्डमध्ये जेव्हा अपयशावर अभ्यास केला जाईल तेव्हा या तीन गोष्टींचा उल्लेख असेल असा टोला राहुल गांधी यांनी लगावला आहे.

राहुल गांधी यांनी ट्विटरला नरेंद्र मोदींचा व्हिडीओ शेअर केला आहे. यावेळी राहुल गांधी यांनी कोविड, नोटबंदी आणि जीएसटीचा उल्लेख केला आहे. राहुल गांधी यांनी म्हटलं आहे की, हॉवर्डच्या बिजनेस स्कूलमध्ये भविष्यात अपयशाच्या केस स्टडी म्हणून हे शिकवलं जाईल.

आणखी वाचा- राहुल गांधी डिफेन्सशी संबंधित बैठकींना गैरहजर, पण प्रश्न विचारायला पुढे – भाजपा

राहुल गांधी यांनी ट्विट करताना नरेंद्र मोदींचा व्हिडीओही शेअर केला आहे. या व्हिडीओ नरेंद्र मोदी देशाला संबोधित करताना करोना व्हायरसविरोधातील लढाई २१ दिवसांमध्ये जिंकू असं सांगत आहेत. व्हिडीओत करोनाविरोधातील लढाईला १०० पेक्षा जास्त दिवस झाले असून भारत जागतिक देशांच्या यादीत तिसऱ्या क्रमांकावर असल्याचंही दाखवण्यात आलं आहे.

आणखी वाचा- ठरलं! भाजपाच्या ‘या’ नेत्याला मिळणार प्रियंका गांधींचा बंगला

करोनाचं संकट आल्यानंतर नरेंद्र मोदी यांनी देशाला संबोधित केलं होतं. त्यावेळी सुरुवातीला २१ दिवसांचा लॉकडाउन जाहीर करण्यात आला होता. लोकांना नियमांचं पालन करण्याचं आवाहन करण्यात आलं होतं. पण लॉकडाउनला तीन महिने पूर्ण झाल्यानंतरही अद्याप परिस्थिती नियंत्रणात नाही. सध्या देशात जवळपास सात लाख करोनाचे रुग्ण असून १९ हजारापेक्षा अधिक रुग्णांचा मृत्यू झाला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 6, 2020 9:22 am

Web Title: coronavirus lockdown congress rahul gandhi on pm narendra modi sgy 87
टॅग Coronavirus
Next Stories
1 हवेतूनही होतोय करोना संसर्ग; ३२ देशांच्या शास्त्रज्ञांनी WHO ला दिला इशारा, म्हणाले…
2 शाळा आणि माध्यान्ह भोजन बंद झाल्याने चिमुकल्यांवर आली कचऱ्यातील भंगार विकण्याची वेळ
3 उत्तर प्रदेशातील रुग्णालयात करोना निगेटिव्ह रिपोर्ट मिळत असल्याचा व्हिडीओ व्हायरल
Just Now!
X