News Flash

Coronavirus : पंतप्रधान मोदींचा बांगलादेश दौरा रद्द

१७ मार्च रोजी ढाका येथील कार्यक्रमासाठी जाणार होते

Coronavirus : पंतप्रधान मोदींचा बांगलादेश दौरा रद्द
पंतप्रधान मोदींनी पंतप्रधानांचे दिल्लीतील सरकारी निवासस्थान असणाऱ्या सेव्हन रेस कोर्सचे नाव २०१६ साली बदलून सेव्हन लोक कल्याण मार्ग असं ठेवलं होतं. काही प्रसारमाध्यमांनी दिलेल्या वृत्तानुसार न्यमुरोलॉजी म्हणजेच अंकशास्त्राच्या हिशोबानुसार 'लोक कल्याण मार्ग'ची बेरीज आठ येते तर रेस कोर्सची बेरीज सहा येते, असं 'द विक'ने आपल्या वृत्तात म्हटलं आहे.

जगभरात चिंतेचे वातावरण निर्माण करणारा व हजारो जणांचा जीव घेणारा करोना व्हायरस हळूहळू सर्वत्र पसरत आहे. जगभरातील अनेक देश या वरील उपचार शोधण्याच्या दृष्टीने प्रयत्न करत आहेत. या पार्श्वभूमीवर आता पंतप्रधान मोदी यांनी आपला बांगलादेश दौरा रद्द केला आहे.  १७ मार्च रोजी ते ढाका येथे शेख मुजीबुर रहमान यांच्या जयंती शताब्दी कार्यक्रमासाठी जाणार होते.

बांगलादेश सरकारनेही  करोनाचा धोका लक्षात घेता शेख मुजीबुर रहमान यांचा जयंती शताब्दी समारोह रद्द करण्याचा निर्णय घेतला आहे. या अगोदर पंतप्रधान मोदींनी करोनामुळे आपला ब्रुसेल्स दौरा रद्द केला होता.

केरळमध्ये एकाच कुटुंबातील पाच जणांना करोना विषाणूचा संसर्ग झाल्याचे निष्पन्न झाले असून देशातील रुग्णांची संख्या आता ३९ झाली आहे. या कुटुंबातील तिघांनी अलीकडेच इटलीला भेट दिली होती. केरळच्या आरोग्यमंत्री के. के. शैलजा यांनी या रुग्णांविषयी माहिती दिली. त्या म्हणाल्या, रुग्णांची प्रकृती स्थिर आहे, पण जास्त काळजी घ्यावी लागणार आहे.

जगभरात या विषाणूचा फैलाव मोठ्या प्रमाणावर होत असताना देशवासियांना यापासून काळजी घेण्याचे आवाहन पंतप्रधान नरेंद्र मोदी यांनी केले आहे. यासंदर्भातील देशातील परिस्थिती जाणून घेण्यासाठी मोदींनी शनिवारी आरोग्य विभागाच्या अधिकाऱ्यांची बैठक घेतली आणि त्यांना आवश्यक त्या सूचनाही केल्या. या बैठकीला आरोग्य आणि कुटुंब कल्याण मंत्री डॉ. हर्षवर्धन, परराष्ट्र मंत्री डॉ. एस. जयशंकर, आरोग्य राज्यमंत्री आश्विनीकुमार चौबे आणि इतर उच्चाधिकारी उपस्थित होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 9, 2020 7:35 am

Web Title: coronavirus pm modi cancel bangladesh tour cancel msr 87
Next Stories
1 राणा कपूर यांना अटक
2 आयसिसशी संबंधित दाम्पत्याला अटक
3 करोना रुग्ण ३९वर
Just Now!
X