करोना विषाणूची लागण सरकारने नियंत्रणात ठेवली असल्याचा दावा केंद्रीय आरोग्यमंत्री हर्षवर्धन यांनी केला आहे त्यावर काँग्रेसचे नेते राहुल गांधी यांनी जोरदार टीका केली आहे. प्रवाशांनी घाबरू नये, आपले जहाज बुडणारे नाही असा दिलासा देणाऱ्या टायटॅनिक जहाजाच्या कॅप्टनसारखा हर्षवर्धन यांचा दावा आहे, असे राहुल गांधी यांनी म्हटले आहे. The Health Minister saying that the Indian Govt has the #coronavirus crisis under control, is like the Capt of the Titanic telling passengers not to panic as his ship was unsinkable. It's time the Govt made public an action plan backed by solid resources to tackle this crisis. — Rahul Gandhi (@RahulGandhi) March 5, 2020 भारतामध्ये करोना विषाणूची लागण रोखण्यासाठी सरकारने आवश्यक त्या सर्व उपाययोजना आखल्या आहेत, असे हर्षवर्धन यांनी संसदेत सांगितले त्यानंतर राहुल गांधी यांनी वरील ट्वीटद्वारे वरील मत व्यक्त केले आहे. या पेचप्रसंगावर मात करण्यासाठी सरकारने कृती योजना जाहीर करण्याची वेळ आली आहे, असेही त्यांनी म्हटले आहे.
