News Flash

मोठी बातमी! डोनाल्ड ट्रम्प यांच्या राष्ट्रीय सुरक्षा सल्लागाराला करोनाची लागण

ट्रम्प प्रशासनातील उच्च दर्जाच्या अधिकाऱ्याला करोनाची लागण

संग्रहित (Photo Courtesy: Reuters)

अमेरिकेत करोनाने थैमान घातलं असतानाच राष्ट्राध्यक्ष डोनाल्ड ट्रम्प यांच्या राष्ट्रीय सुरक्षा सल्लागाराला करोनाची लागण झाली आहे. सीएनएनने राष्ट्रीय सुरक्षा सल्लागार रॉबर्ट ओ ब्रायन यांना करोनाची लागण झाली असल्याचं वृत्त दिलं आहे. रॉबर्ट यांच्या निमित्ताने पहिल्यांदाच ट्रम्प प्रशासनातील उच्च दर्जाच्या अधिकाऱ्याला करोनाची लागण झाली आहे.

दरम्यान डोनाल्ड ट्रम्प आणि रॉबर्ट ओ ब्रायन यांच्यात शेवटची भेट कधी झाली होती हे अद्याप स्पष्ट नाही. १० जुलैला दोघे एका कार्यक्रमात एकत्र दिसले होते. रॉबर्ट ओ ब्रायन यांना करोनाची लक्षणं दिसत असून त्यांनी स्वत:चं विलगीकरण केलं आहे. राष्ट्रीय परिषदेच्या कर्मचाऱ्यांनी प्रसारमाध्यमांमधूनच आपल्याला रॉबर्ट ओ ब्रायन यांना करोनाची लागण झाल्याची माहिती मिळाल्याचं सांगितलं आहे.

रॉबर्ट ओ ब्रायन काही दिवसांपूर्वी युरोपमधून परतले होते. तिथे त्यांनी आणि त्यांच्या सहकाऱ्यांनी युके, फ्रान्स, जर्मनी आणि इटलीमधील काही अधिकाऱ्यांची भेट घेतली होती. यावेळी त्यांच्यासोबत सिक्रेट सर्व्हिस एजंट, स्टाफ आणि अनेक रिपोर्टर्स उपस्थित होते. त्यांचे अनेक फोटोही प्रसिद्ध झाले होते ज्यामध्ये ते सोशल डिस्टन्सिंग पाळत नसल्याचं तसंच मास्कचाही वापर करत नसल्याचं दिसत होतं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 27, 2020 8:14 pm

Web Title: coronavirus us president donald trump national security advisor rober obrien tests positive sgy 87
टॅग : Coronavirus
Next Stories
1 करोनावर लस शोधण्यासाठी शास्त्रज्ञ रात्रंदिवस काम करत आहेत -पंतप्रधान मोदी
2 मध्य प्रदेश : SUV आणि मोटारसायकलचा अपघातात ८ जणांचा मृत्यू
3 आता काहीही झालं तरी कर्नाटकात पुन्हा लॉकडाउन नाही, येडियुरप्पांचा निर्धार
Just Now!
X