18 September 2020

News Flash

‘कोरोनिल’च्या विक्रीवर निर्बंध नाही – पतंजली

औषध ‘कोविड’च्या उपचारांसाठी नसल्याचे आयुष मंत्रालयाकडून स्पष्ट

संग्रहित छायाचित्र

 

करोनावरील उपचारांसाठी औषध म्हणून योगगुरू रामदेव यांच्या पतंजली आयुर्वेदने नुकत्याच तयार केलेल्या ‘कोरोनिल’च्या विक्रीवर आयुष मंत्रालयाने कुठलेही निर्बंध घातले नसल्याचे कंपनीने बुधवारी सांगितले. मात्र या रोगाच्या ‘नियंत्रणासाठी’ हे औषध असल्याचे कंपनीचे म्हणणे आहे.

दरम्यान, पतंजली ‘कोरोनिल’ हे औषध विकू शकते; मात्र ते कोविड-१९ वरील उपचार म्हणून नाही, असे आयुष मंत्रालयाने सांगितले. मंत्रालयाने या विशिष्ट सूत्रीकरणाला प्रतिकारशक्तिवर्धक म्हणून परवानगी दिली आहे, करोनाचे औषध म्हणून नाही, असे त्यांनी स्पष्ट केले.

पतंजलीने करोनाच्या नियंत्रणासाठी योग्य ते काम केल्याचे आयुष मंत्रालयाने म्हटले असल्याचा दावा बाबा रामदेव यांनी हरिद्वार येथे पत्रकार परिषदेत केला. ‘या औषधाच्या विक्रीवर आता काही निर्बंध नसून, ते आजपासून देशभरात सर्वत्र उपलब्ध राहील हे मी औषध वापरण्याची इच्छा असलेल्या लोकांना सांगू इच्छितो’, असे त्यांनी कोरोनिलसह इतर दोन औषधांचा उल्लेख करून सांगितले.

आयुष मंत्रालयाने आपल्याला ‘कोविड उपचार’ऐवजी ‘कोविड व्यवस्थापन’ असे शब्द वापरण्यास सांगितले असून आपण या सूचनेचे पालन करत आहोत, असेही रामदेव म्हणाले. करोनाची सौम्य ते मध्यम लक्षणे असलेल्या रुग्णांवर या औषधाची चाचणी यशस्वी ठरली असल्याचा दावा कंपनीने कायम ठेवला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 2, 2020 12:10 am

Web Title: coronils sale is not restricted patanjali abn 97
टॅग Coronavirus
Next Stories
1 ‘लालबागचा राजा’ मंडळाचं पी. चिदंबरम यांनी केलं अभिनंदन; म्हणाले…
2 गोव्यात उद्यापासून पर्यटनाला सुरुवात, पण…
3 काँग्रेसच्या महासचिव प्रियंका गांधी यांना सरकारी बंगला रिकामा करण्याचे निर्देश
Just Now!
X