05 March 2021

News Flash

देश ‘ओडोमॉस’ने त्रस्त; ओमर अब्दुल्लांनी साधला शहा-मोदींवर निशाणा

दोन दिवसांपूर्वी हिमाचल प्रदेशमध्ये एका निवडणूक सभेमध्ये संबोधित करताना शाहंनी राहुल गांधी आणि प्रियंका गांधी यांच्यावर ओआरओपीवरुन टीका केली होती, त्याला ओमर यांनी उत्तर दिले

ओमर अब्दुल्ला, omar-abdullah

भाजपाध्यक्ष अमित शाह यांनी नुकतेच काँग्रेस अध्यक्ष राहुल गांधी आणि काँग्रेसच्या उत्तर प्रदेशच्या सरचिटणीस प्रियंका गांधी यांच्यावर ओआरओपी वरुन टीका केली होती. यावर नॅशनल कॉन्फरन्सचे नेते ओमर अब्दुल्ला यांनी पलटवार केला आहे. ते म्हणाले, देश सध्या ओडोमॉसने (ओवरडोस ऑफ ओन्ली मोदी, ओन्ली शाह) त्रस्त आहे. ट्विटकरुन ओमर यांनी शहांच्या या वक्तव्याला उत्तर दिले आहे.


दोन दिवसांपूर्वी हिमाचल प्रदेशमध्ये एका निवडणूक सभेमध्ये संबोधित करताना अमित शाह म्हणाले होते, मोदी सरकारनं वन रँक वन पेन्शनच्या (ओआरओपी) माध्यमांतून माजीसैनिक आणि त्यांच्या कुटुंबियांचं भविष्य सुरक्षित केलं. मात्र, काँग्रेसने ‘ओन्ली राहुल, ओन्ली प्रियंका’द्वारे या दोघांचचं भविष्य सुरक्षित केलं. शहांच्या या वक्तव्याचाच ओमर यांनी समाचार घेतला आहे.

प्रियंका गांधी यांच्या राजकारणातील प्रवेशावर टीका करणारे शाहा हे भाजपाचे पहिलेच नेते नाहीत, त्यांच्या आधी बिहारचे मंत्री प्रमोद कुमार यांनी म्हटले होते की, प्रियंका अजून लहान मुलगी आहे. जर काँग्रेसला पंतप्रधान नरेंद्र मोदी यांच्याशी लढाई करायची आहे तर त्यांनी सोनिया गांधींना मैदानात उतरवले पाहिजे.

तत्पूर्वी बिहारचे आणखी एक मंत्री विनोद नारायण झा म्हणाले होते की, प्रियंका खूपच सुंदर आहे मात्र, सुंदरतेवर मतं मिळत नाहीत. त्या रॉबर्ट वद्रा यांच्या पत्नी आहेत जे जमीन घोटाळा आणि भ्रष्टाचाराच्या प्रकरणातील आरोपी आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 29, 2019 12:15 pm

Web Title: country suffers from odomos omar abdullah targeted shah modi
Next Stories
1 ‘परीक्षा पे चर्चा 2.0’: स्वप्नं, अपेक्षा असाव्यात मात्र त्यांचा तणाव नको- पंतप्रधान मोदी
2 ‘नवज्योतसिंग सिद्धू, नसीरूद्दीन शाह आणि आमिर खान हे गद्दार’
3 जॉर्ज फर्नांडिस.. असामान्य नेत्याच्या सामान्य गोष्टी
Just Now!
X