News Flash

अनिल अंबानी यांना न्यायालयाची नोटीस

टू जी परवान्यांच्या सदोष वाटपातून झालेल्या घोटाळ्याच्या खटल्यात रिलायन्स एडीए ग्रुपचे अध्यक्ष अनिल अंबानी यांना न्यायालयात साक्षीसाठी उपस्थित राहावे लागणार आहे.

| May 31, 2013 06:33 am

टू जी परवान्यांच्या सदोष वाटपातून झालेल्या घोटाळ्याच्या खटल्यात रिलायन्स एडीए ग्रुपचे अध्यक्ष अनिल अंबानी यांना न्यायालयात साक्षीसाठी उपस्थित राहावे लागणार आहे.
या प्रकरणी आणखी १७ जणांची साक्ष नोंदविण्यात यावी, अशी विनंती केंद्रीय गुप्तचर आयोगाने दिल्ली न्यायालयाला केली होती, ही विनंती मान्य करीत सीबीआयचे विशेष न्यायाधीश ओ. पी. सैनी यांनी या खटल्यातील सर्व आरोपींना तसेच अनिल अंबानी व टीना अंबानी यांना तीन जुलै रोजी साक्षीसाठी उपस्थित राहण्याची नोटीस गुरुवारी बजावली. या खटल्यातील आरोपींनी तसेच नव्याने नोटिसा बजावलेल्या साक्षीदारांनी तीन जुलैला आपले जबाब नोंदवावेत, असा आदेश न्यायालयाने दिला.
टू जी खटल्यात रिलायन्स ग्रुपचे गौतम दोशी, हरी नायर व सुरेंद्र पिपारा हे अधिकारी आरोपी आहेत. शाहीद बलवा आणि विवेक गोयंका हे प्रवर्तक असलेली स्वान टेलिकॉम प्रा. लि. कंपनी ही खरे तर रिलायन्सचीच तोतया कंपनी होती, असे सीबीआयने म्हटले आहे. अनिल अंबानी यांच्या नियोजित साक्षीमुळे या खटल्याला अधिक बळकटी येईल, असा दावाही सीबीआयने केला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 31, 2013 6:33 am

Web Title: court notice to anil ambani
टॅग : Anil Ambani
Next Stories
1 जयराम रमेश यांची ममतांवर टीका
2 पंतप्रधानांच्या जपान दौऱ्यावर चिनी प्रसारमाध्यमांची आगपाखड
3 हवामानातील बदलांबद्दल अमेरिकेने चीन व भारतासमवेत काम करावे
Just Now!
X