03 March 2021

News Flash

टूलकिट प्रकरण: दिशा रवीच्या जामिन अर्जावर न्यायालय मंगळवारी देणार निर्णय

टूलकिट जनक्षोभ निर्माण करणारं होतं का?

टूलकिट प्रकरणात अटकेत असलेल्या दिशा रवीच्या जामिन अर्जावर शनिवारी दिल्ली न्यायालयात सुनावणी झाली. दिशा रवी खलिस्तान समर्थक संघटनेशी संबंधित असल्याचे सांगून दिल्ली पोलिसांनी तिच्या जामीन अर्जाला विरोध केला.

या प्रकरणात दोन वाजता सुनावणी सुरु झाली. अतिरिक्त सॉलिसिटर जनरल एस.व्ही.राजू यांनी टूलकिट प्रकरणात दिल्ली पोलिसांच उत्तर वाचून दाखवलं. खलिस्तान समर्थक संघटना पोएटिक जस्टिस फाऊंडेशनने आपल्या उद्देशासाठी समर्थन मिळवलं आणि दिशा रवी खूप जवळून या संघटनेच्या संपर्कात होती. पीजेएफने झूम मिटिंगही आयोजित केली होती असे अतिरिक्त सॉलिसिटर जनरल एस.व्ही.राजू यांनी न्यायालयात सांगितले.

पर्यावरणवादी दिशा रवीच्या जामिन अर्जावर तीन तास सुनावणी सुरु होती. दिल्ली न्यायालय दिशा रवीच्या जामिन अर्जावर मंगळवारी निर्णय देणार आहे.

या प्रकरणाचा तपास पूर्ण होत नाही, तो पर्यंत दिल्ली सोडणार नाही, हे दिशा रवी लिहून द्यायला तयार आहे, असे दिशा रवीच्या वकिलाने सांगितले. “२६ जानेवारी झालेल्या हिंसाचार प्रकरणात आतापर्यंत १४९ जणांना अटक झाली आहे, ती त्यांच्यापैकी एकाशी तरी बोलली आहे का ?” असा सवाल तिच्या वकिलाने केला. एखादे आंदोलन आपल्याला आवडेल किंवा नाही आवडणार, पण त्यामुळे आपण देशद्रोही ठरत नाही. टूलकिटच म्हणाल, तर टूलकिट जनक्षोभ निर्माण करणारं होतं का? असा सवाल दिशा रवीच्या वकिलाने केला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 20, 2021 6:50 pm

Web Title: court to deliver verdict on disha ravis bail plea in toolkit case tuesday dmp 82
Next Stories
1 ‘बेस्ट’ कर्मचारी आज आझाद मैदानात मंत्रालयावर मोर्चा नेण्यास परवानगी नाही
2 टर्की काश्मीरमध्ये अशांतता पसरवण्याच्या तयारीत; पाकिस्तानसोबत भारताविरुद्ध रचला मोठा कट
3 Shame on you China : म्यानमारमधील सत्तांतरणाविरोधात चिनी दूतावासासमोर नागरिकांचे आंदोलन
Just Now!
X