03 August 2020

News Flash

करोना संकटकाळात मोदी पंतप्रधान हे भारताचे सुदैव – राजनाथ सिंह

करोना हे मोदी सरकार समोरचं सर्वात मोठं आव्हान

संरक्षणमंत्री राजनाथ सिंह. (संग्रहित छायाचित्र)

करोना व्हायरस हे मागच्या सहा वर्षातील नरेंद्र मोदी सरकार समोरचं सर्वात मोठं आव्हान आहे असं संरक्षण मंत्री राजनाथ सिंह शनिवारी म्हणाले. ते आज तक वृत्त वाहिनीवर बोलत होते.

“भारत सुदैवी आहे, करोनाच्या संकटावर मात करु शकणारा नेता आज आपल्याजवळ आहे. पंतप्रधान मोदींचा योग्य विचार आणि वेळीच निर्णय घेतला नसता, तर परिस्थिती खूप वाईट असती. अमेरिकेत करोना व्हायरसमुळे काय स्थिती आहे ते आपण पाहू शकतो” असे राजनाथ सिंह म्हणाले. “सरकारने विचार न करता लॉकडाउनचा निर्णय घेतला हा विरोधकांचा आरोप त्यांनी फेटाळून लावला. लॉकडाउनचा निर्णय धाडसी होता आणि तो योग्य वेळी घेण्यात आला” असे राजनाथ म्हणाले.

मोदी सरकारच्या दुसऱ्या कार्यकाळात संरक्षण मंत्रालयाने वर्षभरात काय-काय साध्य केले? त्यावर बोलताना राजनाथ सिंह यांनी सीडीएस म्हणजे चीफ ऑफ डिफेन्स स्टाफ या पदाचे उदहारण दिले. सीडीएस या पदाची निर्मिती ही महत्वपूर्ण कामगिरी असल्याचे राजनाथ सिंह म्हणाले.

मागच्यावर्षी स्वातंत्र्यदिनी भाषण करताना पंतप्रधान मोदींनी सीडीएस या पदाच्या निर्मितीची घोषणा केली होती. माजी लष्करप्रमुख बीपिन रावत भारताचे पहिले सीडीएस आहेत. तिन्ही सैन्य दलांमध्ये समन्वय राखण्यासाठी या पदाची निर्मिती करण्यात आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 30, 2020 1:25 pm

Web Title: covid 19 biggest crisis for govt in 6 yrs india lucky to have modi as pm rajnath singh dmp 82
टॅग Coronavirus
Next Stories
1 “श्रमिक स्पेशल गाड्यांमध्ये मजुरांचा मृत्यू होणं ‘किरकोळ’ घटना”; भाजपा नेत्याच्या वक्तव्यावरुन नवा वाद
2 लॉकडाउन वाढवावा की नाही? कोणत्या राज्याची काय आहे भूमिका?
3 … हे लवकर विसरता येणार नाही; मायावती यांचा नरेंद्र मोदींना चिंतन करण्याचा सल्ला
Just Now!
X