News Flash

रिक्षा आणि टॅक्सी चालकांना प्रत्येकी पाच हजारांची मदत; केजरीवाल यांनी केली घोषणा

दिल्लीतील रेशन कार्डधारकांना पुढील दोन महिने मोफत रेशन

दिल्लीची मुख्यमंत्री अरविंद केजरीवाल यांनी रिक्षा आणि टॅक्सीचालकांना ५००० रुपयांची मदत करण्याची घोषणा केली. (संग्रहित छायाचित्र । इंडियन एक्स्प्रेस)

दिल्लीत करोनाच्या चौथ्या लाटेचा उद्रेक झाला असून, अद्यापही परिस्थिती नियंत्रणात आलेली नाही. दिल्लीतील आरोग्य व्यवस्थेची स्थिती बिकट असून, मुख्यमंत्री अरविंद केजरीवाल यांनी सलग तिसऱ्यांदा लॉकडाउन वाढविण्याचा निर्णय घेतला आहे. दुसरीकडे लॉकडाउनमुळे रिक्षा आणि टॅक्सीचालकांच्या मिळकतीवर परिणाम झाल्यानं केजरीवाल सरकारने मदत करण्याची घोषणा केली आहे.

दिल्लीत कडक लॉकडाउन केलेला असून, सलग दोनदा लॉकडाउन वाढविण्यात आला आहे. त्यामुळे रिक्षा आणि टॅक्सी चालकांना मोठा फटका बसला आहे. करोनामुळे रिक्षा व टॅक्सीचालकांना आर्थिक समस्यांना सामोर जावं लागत असल्याची बाब लक्षात घेत मुख्यमंत्री अरविंद केजरीवाल यांच्या नेतृत्वाखालील दिल्ली सरकारने रिक्षा आणि टॅक्सी चालकांना प्रत्येकी ५००० हजार रुपयांची मदत देण्याची घोषणा केली आहे. या मदतीमुळे आर्थिक संकटात रिक्षा आणि टॅक्सी चालकांना थोडा दिलासा मिळेल, असं केजरीवाल यांनी म्हटलं आहे.

आणखी वाचा- बिहारमध्ये १५ मे पर्यंत लॉकडाउनची घोषणा; न्यायालयाच्या अल्टीमेटम नंतर मुख्यमंत्र्यांचा निर्णय

“दिल्लीतील सर्व रेशन कार्डधारकांना, ज्यांची संख्या जवळपास ७२ लाख आहे. त्यांना पुढील दोन महिने मोफत रेशन देण्याचा निर्णय आम्ही घेतला आहे. दोन महिने रेशन देणार याचा अर्थ दोन महिने लॉकडाउन असणार असा नाहीये. आर्थिक संकटातून जात असलेल्या गरिबांना मदत करण्याच्या दृष्टीने ही मदत केली जात आहे,” अशी माहिती केजरीवाल यांनी दिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 4, 2021 12:21 pm

Web Title: covid 19 relief delhi cm arvind kejriwal big announcement rs 5000 each to autorickshaw drivers and taxi drivers bmh 90
टॅग : Coronavirus
Next Stories
1 रस्त्यांवरुन वाहनं जात असतानाच मेट्रो ट्रेनसहित पूल कोसळला; मेक्सिकोमधील भीषण अपघातात २० जणांचा मृत्यू
2 बिहारमध्ये १५ मे पर्यंत लॉकडाउनची घोषणा; न्यायालयाच्या अल्टीमेटम नंतर मुख्यमंत्र्यांचा निर्णय
3 जम्मू-काश्मीरचे माजी राज्यपाल जगमोहन यांचं निधन
Just Now!
X