News Flash

Covishield vaccine: लसीची किंमत १०० रुपयांनी कमी केली, आदर पुनावाला यांची घोषणा

राज्य सरकारला आता नव्या किमतीने लस पुरवणार

सिरम इन्स्टिट्युट ऑफ इंडियाने आपल्या कोविशिल्ड या लसीची किंमत आता १०० रुपयांनी कमी केली आहे. पूर्वी ही लस राज्य सरकारांना ४०० रुपयांना मिळत होती. आता ती ३०० रुपयांना मिळणार आहे. सिरम इन्स्टिट्युट ऑफ इंडियाचे मुख्य कार्यकारी अधिकारी आदर पुनावाला यांनी ही माहिती दिली आहे.

सिरम इन्स्टिट्युटने काही दिवसांपूर्वीच लसीचे नवे दर जाहीर केले होते. यानुसार राज्य सरकारांसाठी ४०० रुपये प्रति डोस अशी किंमत असून खासगी रुग्णालयांसाठी हीच लस ६०० रुपयांना असणार अशी माहिती देण्यात आली होती. आता सिरमने नवे दर जाहीर केले असून या नव्या दरानुसार, राज्य सरकारांना ही लस ३०० रुपयांना उपलब्ध होणार आहे. मात्र खासगी रुग्णालयांना या लसीसाठी पूर्वीचीच किंमत म्हणजे ६०० रुपयेच मोजावे लागणार आहेत.

दरम्यान, देशभरात १ मे पासून १८ वर्षांवरील सर्व नागरिकांचे लसीकरण करण्यात येणार आहे. मात्र, देशात अनेक ठिकाणी लसींची कमतरता भासत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 28, 2021 6:01 pm

Web Title: covishield vaccine new price declared by adar poonawala vsk 98
Next Stories
1 “पीएम केअर फंडातून १ लाख पोर्टेबल ऑक्सिजन कॉन्सन्ट्रेटर्स पुरवणार”- पंतप्रधान नरेंद्र मोदी
2 ऑक्सिजन सिलेंडर्सच्या काळाबाजार प्रकरणी दिल्लीत दोघांना अटक; ५ सिलेंडर्स जप्त
3 लसीकरण : नोंदणी सुरु झाल्यानंतर काही मिनिटांमध्येच CoWIN चा सर्व्हर क्रॅश
Just Now!
X