News Flash

प्राणवायूचे क्रायोजेनिक कंटेनर सिंगापूरहून भारतात

प्राणवायूच्या वाहतुकीसाठी वापरल्या जाणारे चार क्रायोजेनिक कंटेनर भारतीय हवाई दलाने शनिवारी सिंगापूरहून भारतात आणल्या.

करोना रुग्णांची प्राणवायूची गरज लक्षात घेता भारतीय हवाई दलातर्फे देशात ठिकठिकाणी प्राणवायूचे टँकर हवाई दलाच्या विमानांनी वाहून नेले जात आहेत.  (छायाचित्र सौजन्य : भारतीय हवाई दल)

नवी दिल्ली : देशातील कोविड-१९ विषयक परिस्थिती गंभीर झालेली असतानाच, प्राणवायूच्या वाहतुकीसाठी वापरल्या जाणारे चार क्रायोजेनिक कंटेनर भारतीय हवाई दलाने शनिवारी सिंगापूरहून भारतात आणल्या.

क्रायोजेनिक ऑक्सिजनचे चार कंटेनर घेऊन अवजड वाहतूक करणारे भारतीय हवाई दलाचे एक सी-१७ विमान सिंगापूरच्या चांगी विमानतळावरून निघाले आणि दुपारी साडेचारच्या सुमारास पश्चिम बंगालमधील पानागड हवाई तळावर उतरले, असे अधिकाऱ्यांनी सांगितले.

कोविड- १९ च्या रुग्णांवरील उपचारासाठी अतिशय आवश्यक असलेल्या वैद्यकीय प्राणवायूच्या वितरणाची गती वाढवण्यासाठी भारतीय वायुदल शुक्रवारपासून हवाई मार्गाने रिकाम्या ऑक्सिजन टाक्या व कंटेनर हवाई मार्गाने देशभरातील निरनिराळ्या भरणा केंद्रांवर (फिलिंग स्टेशन्स) पोहचवत आहे.

प्राणवायू एक्स्प्रेस       उत्तर प्रदेशात दाखल

लखनऊ : ऑक्सिजनचे तीन टँकर घेऊन ऑक्सिजन एक्स्प्रेस  उत्तर प्रदेशमध्ये शनिवारी दाखल झाली. द्रव ऑक्सिजनचे टँकर वाहून नेण्यासाठी या गाड्यांचा वापर केला जात आहे.   सकाळी  लखनऊ येथे वैद्यकीय ऑक्सिजनचे दोन ट्रक दाखल झाले असून ते वाराणसी येथे उतरवण्यात आले, असे अतिरिक्त मुख्य सचिव अवनीश कुमार अवस्थी यांनी सांगितले.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 25, 2021 12:01 am

Web Title: cryogenic containers of oxygen from singapore to india akp 94
Next Stories
1 लस, प्राणवायू, उपकरणांना सीमाशुल्कात सूट
2 काश्मीर सीमेवर ड्रोनद्वारे शस्त्रे उतरविण्याचा प्रयत्न
3 वाढीव लसमूल्याचे ‘सीरम’कडून समर्थन
Just Now!
X