03 August 2020

News Flash

5G सिमकार्ड अपग्रेडेशनच्या नावाखाली पडला १० लाखांचा गंडा

फोनवरून घेतली माहिती

(संग्रहित छायाचित्र)

सध्या आपल्या देशात 5G सेवेला सुरूवातही झालेली नाही. तसंच ही सेवा केव्हापासून सुरू होणार याबाबतही माहिती नाही. परंतु अशा परिस्थितीत 5G मध्ये सिमकार्ड अपग्रेड करून घेण्यासाठी आलेला फोन उत्तर प्रदेशातील गाझियाबादमधील एका व्यक्तीला फारच महागात पडला आहे. सिमकार्ड अपग्रेड करून देण्याच्या नावाखाली त्या व्यक्तीला तब्बल १० लाखांचा गंडा पडला. गंडा पडल्याची माहिती मिळाल्यानंतर संबंधित व्यक्तीनं लिंक रोड पोलीस स्थानकात तक्रार दाखल केली आहे. सध्या सायबर सेल या प्रकरणाचा पुढील तपास करत आहे. 5G मध्ये सिमकार्ड अपग्रेड करण्याच्या नावाखाली त्या व्यक्तीच्या पॅनकार्डचीही माहिती घेतल्याचं समोर आलं आहे.

१९ जुलै रोजी आपल्याला एक फोन आला आणि त्यात त्यांनी सिमकार्ड 5G मध्ये अपग्रेड करत असल्याचं सांगितलं. तसंच या केव्हायसी प्रक्रिया आवश्यक असल्याचंही समोरून सांगण्यात आलं. त्यानंतर बोलण्यात गुंतवून पॅनकार्डाची माहिती घेम्यात आली. तसंच यानंतर पुन्हा एकदा फोन येईल आणि ही प्रक्रिया पूर्ण होईल, असं सांगण्यात आल्याचं तक्रारीमध्ये नमूद करण्यात आलं आहे.

दुसऱ्या दिवशी संध्याकाळी ४ वाजता पुन्हा एकदा फोन आला. त्यावेळी केव्हायसीसाठी कोणाचा फोन आला का नाही अशी विचारणा करण्यात आली. त्यावेळी संबंधित व्यक्तीनं आपल्याला कोणाचाही फोन आला नसल्याचं सांगितलं. त्यानंतर काही वेळानं त्यांना व्हेरिफेशनसाठी पुन्हा एकदा फोन आला. त्यावेळी आपण आयसीआयसीआय बँकेतून बोलत असल्याचं त्यांनी सांगितलं. परंतु संबंधित व्यक्तीला काही संशय आल्यानं त्यानं व्हेरिफिकेशन करण्यास नकार दिला. परंतु यानंतर लगेचच त्यांच्या खात्यातून १० लाख रुपये कापले गेल्याचा मेसेज आला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 24, 2020 4:44 pm

Web Title: cyber criminals siphoned off 10 lakh rupees 5g sim card up gradation icici bank jud 87
Next Stories
1 मोठी बातमी! भारतात विकसित करोना लसीची मानवी चाचणी, ३० वर्षीय स्वयंसेवकाला दिला पहिला डोस
2 Viral Video : नदीच्या मधोमध जाऊन सेल्फी काढत होत्या दोघी मैत्रिणी, अचानक वाढली पाण्याची पातळी आणि…
3 राज्यपाल विरुद्ध गेहलोत; काँग्रेस आमदारांची राजभवनात निर्दर्शनं
Just Now!
X