07 June 2020

News Flash

तहसीलदारास वाचविण्याचा प्रयत्न केलेल्या कर्मचाऱ्याचा मृत्यू

महसूल कार्यालयातील कर्मचारी के. चंद्रय्या हा तहसीलदार महिलेस वाचवण्यासाठी गेला असता तोही भाजला होता.

 

हैदराबाद : गेल्या महिन्यात तेलंगण  राज्यात महिला तहसीलदारास जाळून ठार मारल्याच्या घटनेवेळी तिला वाचवण्यासाठी गेलेल्या महसूल कर्मचाऱ्यांपैकी एका जखमी कर्मचाऱ्याचा सोमवारी रुग्णालयात उपचार घेत असताना मृत्यू झाला. त्यामुळे या घटनेतील मृतांची संख्या चार झाली आहे अशी माहिती पोलिसांनी दिली.

महसूल कार्यालयातील कर्मचारी के. चंद्रय्या हा तहसीलदार महिलेस वाचवण्यासाठी गेला असता तोही भाजला होता. खासगी रुग्णालयात त्याचा सोमवारी मृत्यू झाला. तेलंगणमधील महसूल कर्मचाऱ्यांनी या घटनेचा निषेध करून सुरक्षा वाढवण्याची मागणी केली होती. तहसीलदार विद्या रेड्डी यांना त्यांच्या अब्दुल्लापूरपेट येथील कार्यालयात ४ नोव्हेंबर रोजी जमिनीच्या वादातून एका व्यक्तीने पेट्रोल ओतून जाळले होते. त्यात सदर महिला तहसीलदाराचा जागीच मृत्यू झाला, तर त्यांचा गाडीचालक गुरुनाथम व चंद्रय्या हे तिला वाचवण्याच्या प्रयत्नात भाजले होते. हे दोघे व हल्लेखोर के. सुरेश यांना उपचारांसाठी वेगवेगळ्या रुग्णालयात दाखल केले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 3, 2019 1:29 am

Web Title: death of an employee tried to save the tahsildar akp 94
Next Stories
1 श्रीनगरमध्ये बाजारपेठेत जाळपोळीचा प्रयत्न
2 छत्तीसगड : नक्षलवाद्यांचा घातपाताच प्रयत्न फसला; चार स्फोटकं हस्तगत
3 २०२४ लोकसभा निवडणुकीआधी प्रत्येक घुसखोराची शोधून हकालपट्टी करु – अमित शाह
Just Now!
X