20 January 2021

News Flash

गाईला राष्ट्रीय प्राण्याचा दर्जा द्या ! AIMIM नेत्याची मागणी

कसाईंना गाय विकणाऱ्यांवर २० लाखांचा दंड लावा

छायाचित्र प्रातिनीधीक आहे

केंद्रात नरेंद्र मोदी यांचं सरकार आल्यानंतर गाय या विषयावरुन देशात अनेक मोठ्या घटना घडल्या. गोवंश हत्या बंदीचा कायदाही या काळात लागू करण्यात आला. काही दिवसांपूर्वी उत्तर प्रदेशातील योगी आदित्यनाथ यांच्या सरकारनेही गाईंच्या कत्तलखान्यात न देण्याविषयी अध्यादेश काढला. यानंतर AIMIM पक्षाचे नेते सय्यद असिम वकार यांनी गायीला राष्ट्रीय प्राण्याचा दर्जा देण्याची मागणी नरेंद्र मोदी सरकारकडे केली आहे. भाजपाशासित राज्यांनी गाईंची काळजी घेण्यासाठी एक विशेष आराखडा तयार करावा अशीही मागणी वकार यांनी केली आहे. गाय दूध द्यायचं बंद झाल्यानंतर तिला कत्तलखान्यात देणाऱ्या लोकांवर सरकारने २० लाख रुपयांचा दंड आकारा असं वकार म्हणाले.

गाईंबद्दल उत्तर प्रदेश सरकारची धोरणं चुकीची ठरत असल्याची टीकाही यावेळी वकार यांनी केली. उत्तर प्रदेशातील अनेक शहरांमध्ये गाई रस्त्यावर फिरताना दिसतात, अनेकदा या गाई कचऱ्याच्या ढिगातलं प्लॅस्टिक खातात…गटारातलं पाणी पितात. यासाठी सरकार काहीही करत नाही. अनेक गोशाळांमध्ये गाईंची परिस्थिती बिकट असल्याचा दावाही वकार यांनी केला.

उत्तर प्रदेश सरकारने नव्याने जाहीर केलेल्या अध्यादेशानुसार, गायीला कत्तलखान्यात देणाऱ्या व्यक्तीला १० वर्षांची कैद आणि ५ लाखांचा दंड अशी शिक्षा करण्यात येणार आहे. याचसोबत गाईंचा जीव धोक्यात घालण्याचा प्रयत्न करणाऱ्या व्यक्तीलाही १ ते ३ लाखांपर्यंतचा दंड आणि सात वर्षांच्या कारावासाच्या शिक्षेची तरतूद करण्यात आलेली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 10, 2020 7:11 pm

Web Title: declare cow as national animal impose fine of rs 20 lakh on people selling gaumata to butchers says aimim leader psd 91
Next Stories
1 मुलाचं आपल्यापेक्षा आजीवर जास्त प्रेम ! संतापून आईने केली आपल्याच मुलाची हत्या
2 करोना आहे की, नाही? २० मिनिटात कळणार; आयआयटीतील संशोधकांनी तयार केली किट
3 अंधश्रद्धेचा कहर… बिहारमधील महिला नदीकाठी जाऊन करतायत ‘करोना देवी’ची पूजा
Just Now!
X