20 September 2020

News Flash

संरक्षणमंत्री राजनाथ सिंह यांची स्वदेशी ‘तेजस’मधून भरारी

तेजस लवकरच अद्ययावत स्वरूपात येणार आहे

तेजसमधून उड्डाण करण्यापूर्वी हात उंचावताना संरक्षणमंत्री राजनाथ सिंग. Pic. credit : ANI

हिंदुस्थानी बनावटीच्या तेजस लढाऊ विमानातून संरक्षणमंत्री राजनाथ सिंह यांनी गुरुवारी सकाळी बंगळुरू येथील हिन्दुस्तान ऐरोनॉटिक्स लिमिटेडच्या विमानतळावरून उड्डाण केले. स्वदेशी तेजस लढाऊ विमानात बसणारे ते पहिले संरक्षणमंत्री आहेत. राजनाथ सिंह यांनी अर्धा तास विमानात घालवला. हिन्दुस्तान ऐरोनॉटिक्स लिमिटेड या भारतीय कंपनीने तेजसची निर्मिती केली आहे.

तेजस हे लढाऊ विमान असून, तीन वर्षापूर्वीच ते हवाई दलात दाखल झाले आहे. तेजस लवकरच अद्ययावत स्वरूपात येणार आहे. ८३ तेजस विमानांची निर्मिती हिन्दुस्तान ऐरोनॉटिक्स लिमिटेड करणार असून त्यासाठी ४५ हजार कोटी रूपयांचा निधी देण्यात येणार आहे.

“तेजस खुपच आरामदायी आहे. मी तेजसमधील सफरीचा आनंद घेतला. आता भारत जगभरात लढाऊ विमानांची निर्यात करू शकेल. त्या उंचीपर्यंत भारत पोहोचला आहे. याबद्दल मी हल (हिन्दुस्तान ऐरोनॉटिक्स लिमिटेड), डीआरडीओ आणि संबंधित संस्थांचे अभिनंदन करतो,” अशी प्रतिक्रिया राजनाथ सिंह यांनी तेजस उड्डाणानंतर व्यक्त केली.

तेजसची वैशिष्ट्ये-
तेजस हवेतून हवेत तसेच हवेतून जमिनीवर क्षेपणास्त्राचा मारा करू शकते. यामध्ये बॉम्ब आणि रॉकेटही वापण्याची सुविधा आहे. ४२ टक्के कार्बन फायबर, ४३ टक्के अॅल्युमिनिअम आणि टायटेनियम या धातूपासून तेजची बांधणी करण्यात आलेली आहे. तेजसमध्ये केवळ एकच पायलट बसू शकतो. तर प्रशिक्षणासाठी असलेल्या तेजसमध्ये दोन सीटची सुविधा आहे. विशेष म्हणजे जमिनीपासून ५४ हजार उंचीपर्यंत तेजस उड्डाण करू शकते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 19, 2019 10:32 am

Web Title: defence minister rajnath singh fly in lca tejas bmh 90
Next Stories
1 ‘वाईफ स्वापिंग’ला नकार देणाऱ्या पत्नीवर मित्रांच्या मदतीने केला सामूहिक बलात्कार
2 मॉर्निंग बुलेटिन : पाच महत्त्वाच्या बातम्या
3 ‘नासा’चाही फोटो काढण्याचा प्रयत्न फसला?; विक्रम लँडरचे काय झाले? प्रवक्ते म्हणतात…
Just Now!
X