30 October 2020

News Flash

दिल्लीत चार मजली इमारत कोसळली; ४ मुलांसह एका महिलेचा मृत्यू, बचावकार्य सुरुच

कोसळलेली इमारत सुमारे २० वर्षे जुनी असल्याचे सांगण्यात येत असून ती राहण्यालायक राहिली नव्हती. इमारत कोसळल्यानंतर त्यातील ढिगाऱ्याखाली १५ पेक्षा अधिक लोक अडकले होते.

दिल्लीत ४ मजली इमारत कोसळली.

दिल्लीच्या अशोक विहारमधील फेज-३च्या सावन पार्क कॉलनीत बुधवारी सकाळी एक ४ मजली जुनी इमारत कोसळली, यामध्ये अनेक लोक गाडले गेले आहेत. अनेकांना बाहेर काढण्यात आले मात्र, यातील पाच जणांनी बाहेर काढल्यानंतर आपले प्राण सोडले. यामध्ये ४ लहान मुले आणि एका महिलेचा समावेश आहे. तर, इतर लोक गंभीर जखमी आहेत. त्यामुळे मृतांचा आकडा वाढण्याची शक्यता आहे.


कोसळलेली इमारत सुमारे २० वर्षे जुनी असल्याचे सांगण्यात येत असून ती राहण्यालायक राहिली नव्हती. इमारत कोसळल्यानंतर त्यातील ढिगाऱ्याखाली १५ पेक्षा अधिक लोक अडकले होते. ही दुर्घटना सकाळी साडेनऊ वाजण्याच्या सुमारास घडली. ११ वाजेपर्यंत सुमारे ९ लोकांना ढिगाऱ्याखालून बाहेर काढण्यात यश आले. त्यानंतर त्यांना रुग्णालयात उपचारांसाठी पाठवण्यात आले. या लोकांची प्रकृती गंभीर असल्याने यातील ५ जणांचा मृत्यू झाला. दरम्यान, ढिगाऱ्याखाली आणखी ५ ते ६ लोक अडकल्याची शक्यता वर्तवण्यात येत आहे.

इमारत कोसळल्यानतंतर घटनास्थळी मोठ्या प्रमाणावर आरडा-ओरडा सुरु झाला. काही महिला यावेळी आपल्या कुटुंबातील सदस्य ढिगाऱ्याखाली गाडले गेल्याचे सांगत मोठ मोठ्याने रडत होत्या. याची माहिती कळताच दिल्लीतील अग्निशामक दल, पोलीस आणि आपत्ती व्यवस्थापनचे पथक घटनास्थळी दाखल झाले. त्यानंतर वेगाने बचाव कार्याला सुरुवात झाली.

पोलिसांच्या माहितीनुसार, जखमींच्या प्रकृतीबाबत रुग्णालयाकडून अद्याप ताजी माहिती उपलब्ध झालेली नाही. ही इमारत कशी कोसळली, त्यामागील कारणे काय आहेत याची माहिती बचाव कार्य पूर्ण झाल्यानंतरच मिळू शकणार आहे. त्यानंतर याचा तपास करण्यात येणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 26, 2018 2:43 pm

Web Title: delhi building collapses in sawan park 5 killed rescue ops underway
Next Stories
1 धक्कादायक! चार वर्षांच्या मुलावर शिक्षकाने केले स्कूल बसमध्ये लैंगिक अत्याचार
2 मुकेश अंबानींची एका दिवसाची कमाई पाहून थक्क व्हाल
3 ५०० रुपये परत न केल्याने मित्राच्या बायकोसोबत केलं लग्न
Just Now!
X