दिल्लीमधील प्रगती मेट्रो स्टेशन यापुढे सुप्रीम कोर्ट मेट्रो स्टेशन या नावाने ओळखलं जाणार आहे. दिल्ली सरकारने प्रगती मेट्रो स्टेशनचं नाव बदलून सुप्रीम कोर्ट मेट्रो स्टेशन करण्याचा निर्णय घेतला आहे. दिल्लीचे उपमुख्यमंत्री मनिष सिसोदिया यांनी मंगळवारी पत्रकार परिषदेदरम्यान यासंबंधी घोषणा केली. यावेळी त्यांनी नामांतराची पूर्ण प्रक्रिया तसंच मेट्रो ट्रेनमध्ये होणारी उद्घोषणा यासाठी महिन्याभराचा कालावधी लागेल अशी माहिती दिली. Manish Sisodia, Delhi Deputy CM: Mukarba Chowk will be named as Shahid Vikram Batra Chowk. Metro station near Supreme Court that was called Pragati Maidan, will now be called Supreme Court Metro Station. Badarpur-Mehrauli Road will be named as Acharya Shri Mahapragya Marg. pic.twitter.com/wKOkImAw2Q — ANI (@ANI) December 31, 2019 मनिष सिसोदिया यांनी यावेळी मुबारक चौकाला शहीद कॅप्टन विक्रम बत्रा यांचं नाव देण्यात येणार असल्याचं जाहीर केलं. "मुबारक चौक आणि फ्लायओव्हरचं नामांतर करुन शहीद कॅप्टन विक्रम बत्रा चौक असं करण्यात आलं आहे. कॅप्टन विक्रम बत्रा कारगिल युद्धात शहीद झाले होते," असं मनिष सिसोदिया यांनी यावेळी सांगितलं.