21 September 2020

News Flash

रॉबर्ट वढेरांना दिल्ली उच्च न्यायालयाची नोटीस

अमलबजावणी संचालनालयाने दाखल केली होती याचिका, १७ जुलै रोजी सुनावणी

दिल्ली उच्च न्यायालयाने प्रियंका गांधी यांचे पती रॉबर्ट वढेरा व त्यांचे निकटवर्तीय मनोच अरोरा यांना आज (सोमवार)नोटीस पाठवली आहे. ही नोटीस अमलबजावणी संचालनालयाच्या (ईडी) त्या याचिकेवरून पाठवण्यात आली आहे, ज्यात ट्रायल कोर्टाद्वारे त्यांना देण्यात आलेला अटकपूर्व जामीनाला आव्हान देण्यात आलेले आहे. या प्रकरणाची पुढील सुनावणी १७ जुलै रोजी होणार आहे. न्यायाधीश चंद्र शेखर यांच्या समोर ही सुनावणी पार पडली.

अमलबजावणी संचालनालयाने (ईडी) शुक्रवारी दिल्ली उच्च न्यायालयात धाव घेतली होती. आर्थिक गैरव्यवहाराप्रकरणी रॉबर्ट वढेरा यांना मंजूर झालेला अटकपूर्व जामीन रद्द करण्यात यावा, अशी विनंती ईडीने उच्च न्यायालयाला केली होती. वढेरा यांना अटकेपासून संरक्षण दिल्याने तपासात अडथळे येऊ शकतात, असे ईडीच्या वकिलांनी याचिकेत म्हटले होते. वढेरा यांना १ एप्रिल रोजी कनिष्ठ न्यायालयाने अटकपूर्व जामीन मंजूर केला होता.

ईडीने याचिकेत हे देखील म्हटले होते की, या प्रकरणाची अधिक चौकशी करण्यासाठी आरोपींना ताब्यात घेणे गरजेचे आहे. त्यामुळे वढेरा व अरोरा यांना मिळालेला जामीन रद्द केला जावा. १ एप्रिल रोजी कनिष्ठ न्यायालयाने या दोघांना प्रत्येकी पाच लाख रूपयांचा दंड आकारात जामीन मंजूर केला होता. तसेच, न्यायालयाने वढेरांना ईडीच्या चौकशीत सहकार्य करण्याचे आदेशही दिले होते. शिवाय न्यायालयाच्या आदेशाशिवाय वढेरांना परदेशात न जाण्याचेही आदेश दिले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 27, 2019 12:48 pm

Web Title: delhi high court issues notice to vadra
Next Stories
1 आव्हानांचा सामना करण्यासाठी मोदी तयार असतात- अमित शाह
2 तिसऱ्या मुलाला मतदानाचा आणि सरकारी नोकरीचा हक्क नाकारावा – रामदेव बाबा
3 मुस्लीम युवकाला मारहाण करणाऱ्यांवर कठोर कारवाई करा – गौतम गंभीर
Just Now!
X