दिल्लीतील सामूहिक बलात्कार व खून प्रकरणातील फाशीची शिक्षा सुनावण्यात आलेल्या चार गुन्हेगारांपैकी दोघांच्या अंतिम याचिकांवर सर्वोच्च न्यायालयात १४ जानेवारीला सुनावणी होणार आहे. न्या. एन. व्ही रामण्णा, न्या. अरुण मिश्रा, न्या. आर. एफ. नरिमन, न्या. आर बानुमथी, न्या. अशोक भूषण यांच्या न्यायपीठापुढे ही सुनावणी होणार आहे. विनय शर्मा (वय २६) व मुकेश कुमार (वय ३२) यांच्या याचिकांवर मंगळवारी दुपारी पावणेदोन वाजता सुनावणी होईल, असे सांगण्यात आले.
