दिल्लीत एका तरुणीवर दोन नराधमांनी अपहरण करुन गाडीतच बलात्कार केल्याची घटना उघडकीस आली आहे. दिल्ली पोलिसांच्या मुख्यालयापासून जवळच असलेल्या सनलाईट परिसरात एका २३ वर्षीय तरुणीवर चालत्या कारमध्ये सामूहिक बलात्कार करुन नंतर तिला फेकून दिले. शनिवारी सकाळी ही घटना घडली आहे. पीडित तरुणीने सदर घटनेबाबत पोलिसांकडे तक्रार केली आहे. सदर तरुणी एका रेस्तरॉमध्ये जेवण घेण्यासाठी गेली असता स्विफ्ट कारमधून आलेल्या दोन तरूणांनी तिचं अपहरण केलं. यानंतर त्या तरुणीवर गाडीतच अतिप्रसंग करून तिला रस्त्यावरच फेकून दिलं आणि आरोपी फरार झाले. या तरुणीने गाडीचा नंबर पोलिसांना सांगितला असून, पोलिसांनी दोन आरोपींना अटक केली आहे. या दोघांवरही अपहरण आणि सामूहिक बलात्काराचा गुन्हा नोंदविण्यात आला आहे.
