News Flash

हिट अॅंड रनः ऑडी आणि ऑटो रिक्षाच्या अपघातात तीन संगणक अभियंते ठार

अपघातात ठार झालेला विशाल हा नोकरीच्या मुलाखतीसाठी आला होता.

loksatta, marathi news paper, news paper, news online, marathi news, marathi news online, newspaper, news, latest news in marathi, current news in marathi,sport news in marathi, bollywood news in marathi, doctor, hit and run noida
अपघातानंतर गाडी घटनास्थळी सोडून गाडीत बसलेल्यांना पळ काढला

नोएडा येथे ऑडी आणि ऑटो रिक्षाच्या अपघातात चार जण ठार झाले आहेत. मृतांमध्ये तीन संगणक अभियंत्यांचा समावेश आहे. ऑडीचा मालक हा एक न्यूरो सर्जन असून तो सध्या फरार असल्याचे पोलिसांनी सांगितले. दिल्लीच्या सफदरजंग रुग्णालयात न्यूरो सर्जन असणाऱ्या डॉ. मनिष रावत यांची भरधाव वेगाने जाणारी गाडी ऑटो रिक्षावर धडकल्यामुळे अपघात झाला. त्या अपघातामध्ये तीन अभियंते आणि रिक्षा चालक ठार झाला.

अपघातानंतर ऑडीमधून दोन जण बाहेर आले आणि त्यांनी तेथून पळ काढला असे एका प्रत्यक्षदर्शीने पोलिसांना सांगितले. ही कार स्वतः डॉक्टर रावत चालवत होते की नाही हे माहित नाही असे पोलिसांनी सांगितले. पोलिसांनी डॉक्टरांना संपर्क साधण्याचा प्रयत्न केला परंतु त्यांचा फोन स्वीच ऑफ आहे. पोलीस रावत यांना शोधत आहेत.

पोलीस हे रावत यांच्या निवासस्थानी देखील जाऊन आले परंतु तेथे कुलुप असल्याचे दिसून आले. ३८ वर्षीय रिंकी यादव यांच्यासोबत त्यांचे दोन परिचित यजुवेंद्र सिंह आणि विशाल सिंह हे तिघे जण प्रवास करत होते. यजुवेंद्र आणि विशाल सिंह हे दोघे चुलतभाऊ होते. हे तिघेही व्यवसायाने संगणक अभियंते होते. विशाल सिंह या २५ वर्षीय तरुण नोएडामध्ये एका कंपनीसाठी मुलाखत देण्यास आला होता. विशाल सिंहचा नुकताच साखरपुडा झाला होता.

रिक्षा चालक संजीवला तीन वर्षांची मुलगी आहे आणि त्याची पत्नी ही सात महिन्यांची गरोदर आहे. रिक्षाच्या स्थितीकडे पाहूनच या अपघाताची तीव्रती कळते. रिक्षाला समोरुन धडक बसली त्यामुळे रिक्षातील सर्व प्रवासी ठार झाले. तर, ऑडीमधील एअरबॅग्ज उघडलेल्या स्थितीमध्ये होत्या त्यामुळे ऑडीत बसलेल्या व्यक्तींना काही झाले नसावे असा अंदाज पोलिसांनी व्यक्त केला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 29, 2017 10:58 am

Web Title: doctor hit and run noida manish rawat delhi safadarjung hospital
Next Stories
1 ट्रम्प यांना दणका, विमानतळावर खोळंबलेल्या निर्वासितांना मायदेशी पाठवण्यास न्यायालयाची स्थगिती
2 निवडणूक आयोगाने केंद्र सरकारला फटकारले, निर्णय घेताना परवानगी घेण्याचे आदेश
3 निर्वासितांना अमेरिकेत प्रवेशबंदी: डोनाल्ड ट्रम्प यांच्या निर्णयामुळे झाली आई – मुलींची ताटातूट
Just Now!
X