News Flash

सभागृहात ‘आय बेग’ शब्द वापरू नका; आपला देश स्वतंत्र आहे- व्यंकय्या नायडू

सदस्यांना श्रद्धांजली वाहण्याचा प्रस्ताव जागेवर बसून वाचतानाची प्रथाही त्यांनी मोडीत काढली.

Venkaiah Naidu : आई म्हणजे आपली मातृभूमी आहे. वंदे मातरममध्ये आईला अभिवादन केले जाते. त्यामुळे यावर कोणाचाच आक्षेप नसावा, असे मत त्यांनी मांडले.

देशाचे उपराष्ट्रपती व्यंकय्या नायडू यांनी शुक्रवारी राज्यसभेच्या सभापतीपदाची सूत्रे हाती घेतली. यावेळी त्यांनी सभागृहाच्या कामकाजात एक लहानसा बदल सुचवला. यापुढे सभागृहातील कामकाजादरम्यान मंत्र्यांनी आणि सदस्यांनी सभागृहाच्या पटलावर पेपर ठेवताना ब्रिटिशकालीन शब्दांचा वापर करू नये. विशेष करून एखाद्या प्रस्तावासंबंधीची कागदपत्रे टेबलावर मांडताना मी याचना करतो (आय बेग) या शब्दांचा वापर टाळावा. त्याऐवजी मी सभागृहाच्या पटलावर हा दस्तावेज ठेवतो आहे, (I raise to lay on the table) असे म्हणावे. कारण, भारत हा स्वतंत्र देश आहे.

आज सभागृहातील कामकाजाला सुरूवात झाल्यानंतर सभापतींच्या टेबलावर कागदपत्रे ठेवण्यासाठी संबंधित खासदारांचे नाव पुकारले जात होते. त्यावेळी खासदार आपल्या वाक्याची सुरूवात ‘आय बेग’ने करत होते. आजच्या वेळापत्रकानुसार माझ्या नावासमोर नोंद करण्यात आलेली कागदपत्रे टेबलावर ठेवण्यासाठी मी याचना करतो, असे प्रत्येक खासदार म्हणत होता. त्यावेळी व्यंकय्या नायडू यांनी ही सूचना केली. मात्र, ही केवळ एक सूचना असून आदेश नसल्याचेही त्यांनी लगेचच स्पष्ट केले. याशिवाय, सभागृहातील दिवंगत सदस्यांना श्रद्धांजली वाहण्याचा प्रस्ताव जागेवर बसून वाचतानाची प्रथाही त्यांनी मोडीत काढली. माजी उपराष्ट्रपती हमीद अन्सारी आणि भैरोसिंह शेखावत त्यांच्या कार्यकाळात श्रद्धांजली प्रस्ताव आसनावर बसूनच वाचून दाखवायचे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 15, 2017 4:52 pm

Web Title: dont say beg we are a free nation venkaiah naidu to members of parliament
Next Stories
1 काँग्रेसला सुप्रीम कोर्टाकडून झटका; इव्हीएम छेडछाड वादावरील याचिका फेटाळली
2 ‘हिवाळी अधिवेशनात गोंधळ घालणे चुकीचे’
3 तिहेरी तलाक आता गुन्हा ठरणार; केंद्रीय मंत्रीमंडळाची विधेयकाला मंजूरी
Just Now!
X