News Flash

श्रीलंकेवर टीका करणे पाश्चिमात्य देशांसाठी सोपी बाब – महिंद्रा राजपक्षे

श्रीलंकेतील मानवी हक्क स्थिती दयनीय असल्याचा करण्यात येत असलेला आरोप अध्यक्ष महिंदा राजपक्षे यांनी सपशेल

| September 15, 2013 04:21 am

श्रीलंकेतील मानवी हक्क स्थिती दयनीय असल्याचा करण्यात येत असलेला आरोप अध्यक्ष महिंदा राजपक्षे यांनी सपशेल फेटाळला आहे. देशाच्या विकासासाठी स्थिर आणि शक्तिशाली सरकार गरजेचे असून पाश्चिमात्य देश अनभिज्ञतेतून आपल्यावर टीका करीत आहेत, असेही राजपक्षे यांनी नमूद केले आहे.
देशाच्या विकासासाठी स्थिर सरकार आवश्यक आहे. स्थिर सरकार हा देशासाठी शक्तिशाली पाठिंबा असतो. त्यामुळे जोमाने पुढे जाण्यासाठी जनतेच्या पूर्ण पाठिंब्यावरील शक्तिशाली सरकार हा आमच्यासाठी सर्वात महत्त्वाचा घटक आहे, असे मत राजपक्षे यांनी चीनच्या दूरचित्रवाणीला दिलेल्या मुलाखतीत व्यक्त केले आहे.
आमच्याकडे अंगुलीनिर्देश करणे, टीका करणे हे पाश्चिमात्य देशांना सहज शक्य आहे. मात्र त्या देशांना वस्तुस्थितीची जाणीवच नाही, असे खेदाने म्हणावे लागेल, असेही राजपक्षे म्हणाले. एलटीटीईचा सफाया झाल्यानंतरही मानव हक्कांचे उल्लंघन होत असल्याच्या टीकेबद्दल राजपक्षे बोलत होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 15, 2013 4:21 am

Web Title: easy for western countries to talk criticise shri lanka rajapaksa
Next Stories
1 मोदींसाठी अमेरिकेच्या व्हिसा धोरणात कोणताही बदल नाही
2 भाजप संघाच्या दबावाचा बळी – दिग्विजय सिंग
3 अमेरिका,रशिया यांच्यात समझोता
Just Now!
X