मध्य प्रदेशातील छत्तरपूर जिल्ह्यात सोमवारी दुपारी SUV आणि दोन मोटारसायकलमध्ये झालेल्या अपघातात ८ जणांना आपले प्राण गमवावे लागले आहेत. मृतांमध्ये ४ लहान मुलांचाही समावेश आहे. छत्तरपूर-पन्ना रस्त्यावर चंद्रनगर आणि तोरिया गावाच्या मध्ये हा अपघात झाल्याची माहिती स्थानिक पोलीस अधिकाऱ्यांनी पीटीआयला दिली. अपघातात मृत पावलेल्या सर्व व्यक्ती या दोन मोटारसायकलवरुन प्रवास करत होत्या. अपघातात मृत्यूमुखी पावलेल्या मुलांचं वय हे ६ ते १० वर्षापर्यंत असल्याचा अंदाज पोलिसांनी वर्तवला आहे. SUV चालवणाचा चालक गाडीतील एअरबॅगमुळे बचावला मात्र अपघात झाल्यानंतर त्याने घटनास्थळावरुन पळ काढला. दरम्यान पोलिसांनी या प्रकरणात अपघाताचं नेमक्या कारणाचा शोध घ्यायला सुरुवात केली आहे. पोलीस अधिकारी घटनास्थळावरुन पसार झालेल्या SUV चालकाचाही शोध घेत आहेत.
