News Flash

मुंबई- कोलकाता विमानातील ८ प्रवासी जखमी

यूके ७७५ हे विमान दुपारी ४.२५ वाजता कोलकाता विमानतळावर सुरक्षितरीत्या उतरले,

(संग्रहित छायाचित्र)

कोलकाता/ नवी दिल्ली : विस्तारा एअरलाइन्सचे मुंबई- कोलकाता विमान उतरण्याच्या बेतात असतानाच खराब वातावरणाने विमान प्रभावित होऊन ८ प्रवासी जखमी झाले.यूके ७७५ हे विमान दुपारी ४.२५ वाजता कोलकाता विमानतळावर सुरक्षितरीत्या उतरले, असे विमानतळ संचालक सी. पट्टाभि यांनी सांगितले. ‘टब्र्युलन्स’मुळे विमानातील ३ प्रवासी गंभीर जखमी झाले, तर पाच प्रवाशांना किरकोळ जखमा झाल्या, अशीही माहिती त्यांनी दिली.

गंभीर जखमी प्रवाशांना उपचारांसाठी खासगी रुग्णालयात पाठवण्यात आले, तर किरकोळ जखमी प्रवाशांवर प्रथमोपचार केल्यानंतर त्यांना गंतव्य स्थळी रवाना करण्यात आले. विमानात १२३ प्रवासी होते.

हे विमान कोलकात्यापासून २५ नॉटिकल मैल अंतरावर असताना दुपारी ४ वाजताच्या सुमारास खराब वातावरणामुळे ही घटना घडली, असेही पट्टाभि म्हणाले.

प्रवाशांना आलेल्या दुर्दैवी अनुभवाबद्दल आम्ही दु:खी आहोत. या घटनेचा आम्ही प्राधान्याने तपास करत आहोत, असे विस्ताराच्या प्रवक्त्याने सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 8, 2021 2:29 am

Web Title: eight passengers injured as mumbai kolkata flight hit severe turbulence zws 70
Next Stories
1 करोनाचे आणखी एक उत्परिवर्तन
2 ‘इस्रो’कडून तीन प्रकारची श्वसनयंत्रे
3 ‘अनाथ मुलांची माहिती देण्यात दिल्ली, प. बंगालचे असहकार्य’
Just Now!
X