मध्य प्रदेश काँग्रेसला निवडणूक आयोगानं मोठा झटका दिला आहे. माजी मुख्यमंत्री कमलनाथ यांचा स्टार प्रचारकाचा दर्जा आयोगानं काढून घेतला आहे. कमलनाथ यांनी पुन्हा एकदा निवडणूक आदर्श आचारसंहितेचे उल्लंघन केल्याप्रकरणी त्यांच्यावर आयोगाने ही कारवाई केली. If any campaign is done by Kamal Nath from now onwards, the entire expenditure will be borne by the candidate in whose constituency campaign is being undertaken, says Election Commission. — ANI (@ANI) October 30, 2020 निवडणूक आयोगानं कमलनाथ यांचा स्टार प्रचारक दर्जा काढून घेतल्यानंतर म्हटलं की, "यापुढे जर कमलनाथ यांनी एकही प्रचारसभा केली तर त्याचा संपूर्ण खर्च हा त्या मतदारसंघातील उमेदवाराकडून वसूल केला जाईल." निवडणूक आयोगानं यापूर्वी कमलनाथ यांच्याविरोधात वादग्रस्त 'आयटम' विधानाप्रकरणी नोटीस पाठवली होती आणि ४८ तासांत याबाबत भूमिका स्पष्ट करण्याचे आदेश दिले होते. पोटनिवडणुकीच्या प्रचारादरम्यान कमलनाथ यांनी भाजपाचे उमेदवार इमरती देवी यांना कथीतरित्या आयटम संबोधले होते. यावर स्पष्टीकरण देताना त्यांनी म्हटलं की, "मी कोणाला असं बोललो नाही. जर यामुळे संबंधित व्यक्ती दुखावली गेली असेल तर मी दिलगिरी व्यक्त करतो. मात्र, माझं तसं म्हणण्याचा हेतू नव्हता." मध्य प्रदेशचे माजी मुख्यमंत्री कमलनाथ म्हणाले होते की, "काँग्रेसचा उमेदवार हा सिंपल व्यक्ती आहे तर विरोधकांचे उमेदवार इमरती देवी या आयटम आहेत. या वादग्रस्त विधानानंतर मोठा राजकीय गदारोळ झाला होता. यावर कमलनाथ म्हणाले होते की, "आयटम हा वाईट शब्द नाही, त्याला त्या पद्धतीने घेता कामा नये." राष्ट्रीय महिला आयोगाने देखील याप्रकरणी कमलनाथ यांच्याकडून स्पष्टीकरण मागवलं होतं. तर काँग्रेसचे माजी अध्यक्ष राहुल गांधी यांनी कमलनाथ यांच्या विधानावर नाराजी व्यक्त केली होती.