30 November 2020

News Flash

५० फूट खोल विहीरीत पडला हत्ती, १४ तासांच्या प्रयत्नानंतर सुखरुप सुटका

तामिळनाडूमधील धर्मपुरी येथील घटना

तामिळनाडूच्या धर्मपुरी भागात ५० फूट खोल विहीत पडलेल्या हत्तीची यशस्वीरित्या सुटका करण्यात आली आहे. गुरुवारी पंचमपल्ली भागातील येलुगुंडर गावात अंदाजे ८ वर्षाचा हत्ती विहीरत पडला. गावकऱ्यांनी कोरड्या विहीरीत हत्तीला पडलेलं पाहिल्यानंतर त्यांनी तात्काळ वनखात्याच्या अधिकाऱ्यांना माहिती दिली. विहीरीबाहेर गावकऱ्यांची गर्दी पाहून हत्ती आत बिथरला होता.

अखेरीस वन खात्याचे अधिकारी, अग्निशमन दलाचे अधिकारी यांनी १४ तासांनंतर अथक प्रयत्न करुन या हत्तीला विहीरीबाहेर काढलं. दोनवेळा हत्तीला गुंगीचं इंजेक्शन मारुन त्याला क्रेनच्या सहाय्याने बाहेर काढण्यात आलं.

हत्तीची सुखरुप सुटका केल्यानंतर प्राण्यांच्या डॉक्टरांनी त्याच्या सर्व वैद्यकीय तपासण्या केल्या असून त्याची प्रकृती स्थिर असल्याची माहिती अधिकाऱ्यांनी पीटीआयशी बोलताना दिली. सोशल मीडियावर या हत्तीला बाहेर काढण्यासाठी प्रशासनाने घेतलेल्या प्रयत्नांचं सोशल मीडियावर कौतुक करण्यात येत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 20, 2020 2:34 pm

Web Title: elephant falls into well in tamil nadus dharmapuri rescued after 14 hour operation psd 91
Next Stories
1 जर ‘एनपीआर’चं वेळापत्रक निश्चित केलं जात असेल तर….; ओवेसींनी दिला इशारा
2 दुर्गा पुजेसाठी २०० रुपयांची वर्गणी न दिल्याने १४ आदिवासी कुटुंबांवर बहिष्कार
3 आधी तुघलकी लॉकडाउन लावला, आता…; राहुल गांधींचे मोदींवर टीकास्त्र
Just Now!
X