लोकसभा निवडणुकांची घोषणा मार्चच्या पहिल्या आठवड्यात होणार आहे. या पार्श्वभूमीवर केंद्र सरकारने देशातल्या नोकरदारांना दिलासा दिला आहे. पीएफ अर्थात भविष्य निर्वाह निधीवर ०.१० टक्के वाढ करण्यात आली आहे. २०१८-१९ या वर्षासाठी ही वाढ लागू करण्यात आली आहे. Employees' Provident Fund Organisation has hiked interest rate on employees' provident fund to 8.65% from 8.55% for the 2018-19 fiscal year. pic.twitter.com/sytjS2Ss0O— ANI (@ANI) February 21, 2019 या निर्णयामुळे पीएफवरचा व्याज दर ८.५५ टक्क्यांवरून ८.६५ टक्के झाला आहे. गुरुवारी ईपीएफओच्या सेंट्रल बोर्ड ऑफ ट्रस्टची बैठक पार पडली. या बैठकीत पीएफवरील व्याज दर वाढवण्यासंबंधीचा निर्णय घेण्यात आला. या निर्णयामुळे भविष्य निर्वाह निधीवरच्या व्याज दरात वाढ करण्यात आली आहे. नोकरदारांना दिलासा देणारा हा निर्णय ठरला आहे.